Вы тут

Тэрміны падачы дакументаў у ВНУ змяніліся


Міністэрства адукацыі зацвердзіла новыя тэрміны уступнай кампаніі сваёй Пастановай № 105 ад 3 чэрвеня 2020 года.


Прыёмныя камісіі будуць прымаць дакументы з 25 па 31 ліпеня. У гэтыя тэрміны вызначыцца з выбарам спецыяльнасці павінны ўсе абітурыенты, якія прэтэндуюць на бюджэтныя месцы, а таксама абітурыенты, якія паступаюць на платную форму навучання на спецыяльнасці, дзе прадугледжаны ўступныя іспыты.

Ад абітурыентаў, якія паступаюць на платнай аснове, але не здаюць уступныя экзамены ў ВНУ, дакументы будуць прымацца:

  • з 25 ліпеня па 10 жніўня — у Акадэміі МУС, Магілёўскім інстытуце МУС, Універсітэце грамадзянскай абароны МНС;
  • з 25 ліпеня па 13 жніўня — у Беларускай дзяржаўнай акадэміі мастацтваў, Беларускай дзяржаўнай акадэміі музыкі, Беларускім дзяржаўным універсітэце культуры і мастацтваў;
  • з  25 ліпеня па 15 жніўня — ва ўсіх іншых установах вышэйшай адукацыі.

Тэрміны падачы дакументаў для выпускнікоў профільных класаў педагагічнай накіраванасці, якія паступаюць на педагагічныя спецыяльнасці пасля праходжання сумоўя, — з 25 па 27 ліпеня.

Уступныя выпрабаванні пройдуць у наступныя тэрміны:

  • з 1 па 3 жніўня — ва Універсітэце грамадзянскай абароны МНС, Ваеннай акадэміі і на ваенных факультэтах ВНУ
  • з 1 па 7 жніўня — у іншых ВНУ.

У ВНУ сельскагаспадарчага профілю ў завочнай форме атрымання адукацыі – з 6 па 15 снежня.

Пастановай таксама вызначаны тэрміны дадатковага набору ў дзяржаўныя ўстановы вышэйшай адукацыі на месцы, якія вызначаны кантрольнымі лічбамі прыёму, што засталіся вакантнымі пасля залічэння абітурыентаў.

Ваенная акадэмія, Універсітэт грамадзянскай абароны МНС,  Інстытут пагранічнай службы і  ваенныя факультэты павінна праінфармаваць абітурыентаў аб наяўнасці вакантных месцаў да 6 жніўня, астатнія дзяржаўныя ВНУ – да 12 ліпеня.

Абітурыенты, якія маюць станоўчыя вынікі ЦТ, могуць падаць дакументы на вакантныя месцы ў Інстытут пагранічнай службы і Універсітэт грамадзянскай абароны МНС да 7 жніўня, у іншыя ВНУ – да 13 жніўня. Залічэнне на вакантныя месцы адпаведна 8 і 14 жніўня.

Тэрміны залічэння абітурыентаў на спецыяльнасці, па якіх не здаюцца ўступныя выпрабаванні на бюджэтную форму:

па 4 жніўня – у Ваенную акадэмію, Інстытут пагранічнай службы, Універсітэт грамадзянскай абароны МНС, Беларускі дзяржаўны універсітэт культуры і мастацтваў і на ваенныя факультэты.

па 6 жніўня - у іншых дзяржаўных ВНУ (акрамя завочнай формы атрымання адукацыі ў ВНУ сельскагаспадарчага профілю);

па 20 снежня - у завочнай форме атрымання адукацыі ў ВНУ сельскагаспадарчага профілю.

На спецыяльнасці, па якіх здаюцца ўступныя выпрабаванні:

з 10 па 11 жніўня - у дзяржаўных установах вышэйшай адукацыі;

па 5 жніўня - на ваенных факультэтах ВНУ;

па 20 снежня - у завочнай форме атрымання адукацыі ў УВО сельскагаспадарчага профілю.

Тэрміны залічэння на вакантныя бюджэтныя месцы ў Інстытут пагранічнай службы і Універсітэт грамадзянскай абароны МНС - да 8 жніўня, у іншыя ВНУ – да 14 жніўня.

Абітурыенты, якія паступаюць для атрымання вышэйшай адукацыі на платнай аснове, будуць залічвацца па 17 жніўня.

Надзея НІКАЛАЕВА

Выбар рэдакцыі

Культура

Кіно, якога не чакалі — 3. Завяршаем падборку драйвовых беларускіх фільмаў

Кіно, якога не чакалі — 3. Завяршаем падборку драйвовых беларускіх фільмаў

Сфера культуры ярчэй за іншыя паказвае, што калі не працуюць традыцыйныя схемы, прыходзіцца шукаць чорны ўваход. Пошукі часам нараджаюць эксперыменты і выкруты, якія абыходзяць абмежаванні, патэрны і завядзёнку і становяцца найлепшымі знакамі свайго часу. 

Грамадства

Як біятэхналогіі паляпшаюць якасць жыцця і здароўя чалавека?

Як біятэхналогіі паляпшаюць якасць жыцця і здароўя чалавека?

Па прагнозах спецыялістаў, не менш як 20 працэнтаў ад аб'ёму тавараў у XXІ стагоддзі будзе за біятэхналогіямі.

Грамадства

Збіраем гардэроб школьніка разам са стылістам

Збіраем гардэроб школьніка разам са стылістам

Пошукі і набыццё «школьнай формы», як па старой звычцы кажуць мамы і таты, — тая яшчэ галаваломка! 

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.