03 снежня, чацвер

Вы тут

Аляксандр Лукашэнка: Сутыкнуць Беларусь і Расію не атрымаецца


Пра гэта заявіў Прэзідэнт Беларусі Аляксандр Лукашэнка, прымаючы з візітам міністра замежных спраў Расіі Сяргея Лаўрова


Перад сустрэчай у Палацы Незалежнасці адбылася тэлефонная размова кіраўнікоў дзвюх дзяржаў.

«У нас сапраўды была такая адкрытая шчырая размова, хоць многія думаюць, што ў нас тут нешта іскрыць. Нічога не іскрыць. Ёсць праблемы заўсёды…» — сказаў Аляксандр Лукашэнка і цалкам пагадзіўся з метафарай суразмоўцы пра іскру запальвання, без якой немагчымая работа рухавіка.

«Хапае, вядома, праблем і ў нас, і ў вас, і з гэтай пандэміяй, яна абвастрыла мноігя праблемы і на міжнародным узроўні, вы гэта лепш за мяне адчуваеце і разумееце. У вас сёння і палітычных праблем вышэй даху ў сувязі з прыняццем новых паправак у Канстытуцыю. У нас — прэзідэнцкія выбары. Таму, сапраўды, як у братоў, усё ідзе паралельна і адлюстроўваюцца гэтыя праблемы, але я думаю, мы іх вырашым, — выказаў упэўненасць беларускі лідар. — Гэта не катастрафічныя праблемы».

Калі нехта разлічвае сутыкнуць Беларусь і Расію і пагоршыць іх адносіны, гэта не атрымаецца, падкрэсліў Аляксандр Лукашэнка.

«Пераадолеем і пандэмію, і інфапандэмію, і эканамічную пандэмію, і нафтавую, газавую пандэмію — усё гэта мы пераадолеем. Гэта ў нашых сілах», — не сумняваецца беларускі лідар.

Ён расказаў пра прапанову расійскага калегі аб пастаўцы прэпаратаў, якія зарэкамендавалі сябе ў барацьбе з каранавірусам, і пра адпаведнае даручэнне беларускаму профільнаму міністэрству.

Сяргей Лаўроў падзякаваў за прыём і за супрацоўніцтва паміж знешнепалітычнымі ведамствамі, якое ажыццяўляецца на падставе ўхваленага двума прэзідэнтамі двухгадовага плану. Адзін з крокаў у рамках гэтага супрацоўніцтва — падпісанне пагаднення аб ўзаемным прызнанні віз, якое адбудзецца сёння.

«Што будзе мець вялікае значэнне для грамадзян трэціх краін, якія наведваюць Расію і Беларусь, для бізнесменаў, якія працуюць тут і ў Расійскай Федэрацыі, і, вядома, для дыпламатаў, якія адначасова акрэдытаваныя ў Маскве і Мінску, — заўважыў ён. — Таму думаю, гэта будзе вельмі добра ўспрынята і на справе прадоўжыць наша сумеснае будаўніцтва Саюзнай дзяржавы».

Вольга МЯДЗВЕДЗЕВА

Выбар рэдакцыі

Грамадства

Ежа як лякарства. Што з'есці, каб стаць здаравейшым?

Ежа як лякарства. Што з'есці, каб стаць здаравейшым?

Мы вырашылі распытаць спецыяліста.  

Грамадства

Міністр ЖКГ Андрэй Хмель: Спажыўца паслугі трэба пачуць і зразумець

Міністр ЖКГ Андрэй Хмель: Спажыўца паслугі трэба пачуць і зразумець

Аб за­крыц­ці па­лі­го­наў, уплы­ве ка­ра­на­ві­ру­са, за­клі­ках да не­пла­ця­жу за ка­му­наль­ныя па­слу­гі і най­блі­жэй­шых перс­пек­ты­вах.

Грамадства

У Гродне завяршаецца першы этап рэстаўрацыi Старога замка

У Гродне завяршаецца першы этап рэстаўрацыi Старога замка

Стары замак нiколi не меў завершанага выгляду. Яго неаднаразова аднаўлялi i рэканструявалi, таму яго архiтэктура ўтрымлiвае ў сабе стылi некалькiх эпох.

Грамадства

Непаўналетнiя ў крымiнальным працэсе: практычныя нюансы

Непаўналетнiя ў крымiнальным працэсе: практычныя нюансы

Пра асаблiвасцi абароны правоў дзяцей-правапарушальнiкаў (затрыманне, прымяненне мер стрымлiвання, следчыя дзеяннi) расказалi эксперты падчас аднаго з вэбiнараў, якiя сумесна з Рэспублiканскай калегiяй адвакатаў Дзiцячы фонд ААН (ЮНIСЕФ) у Беларусi арганiзаваў яшчэ летам.