Прэзідэнт павіншаваў медыкаў Беларусі з іх прафесійным святам

Сёння медыкi Беларусi адзначаюць сваё прафесiйнае свята. З Днём медыцынскiх работнiкаў iх павiншаваў Прэзiдэнт Аляксандр Лукашэнка.

«Вы выбралi для сябе адну з найважнейшых i самых высакародных прафесiй на зямлi. Ваша адказная мiсiя — захаваць чалавеку здароўе, а часам i жыццё. Да ўрачоў, якiя дапамагаюць людзям пераадолець беды i нягоды, ва ўсе часы ставiлiся з бязмежнай павагай», — гаворыцца ў вiншаваннi.

Кiраўнiк дзяржавы адзначыў, што сёння свет праходзiць чарговы стрэс-тэст: змагаецца з пандэмiяй каранавiруснай iнфекцыi. «На шчасце, у Беларусi выбудавана сiстэма аховы здароўя з моцнай эпiдэмiялагiчнай службай, сучаснымi навукова-практычнымi цэнтрамi, абсталяванымi клiнiкамi, уласнай фармацэўтычнай вытворчасцю i, самае галоўнае, дастатковай колькасцю практыкуючых медыкаў. Менавiта вашы самаадданая праца, вернасць абавязку, высокая квалiфiкацыя i кампетэнтнасць дазваляюць забяспечыць даступнай i якаснай медыцынскай дапамогай усё насельнiцтва рэспублiкi», — падкрэслiў Прэзiдэнт.

Аляксандр Лукашэнка канстатаваў, што эпiдэмiя яшчэ не завяршылася, але разам з тым ён перакананы, што дзякуючы прафесiяналiзму людзей у белых халатах Беларусь пераможа ў гэтай барацьбе.

Прэв'ю: belnovosti.by