Ён адбудзецца 23 чэрвеня ў 19.00.
Дзіцячы фонд ААН (ЮНІСЕФ) у партнёрстве з Міністэрствам унутраных спраў Рэспублікі Беларусь, кампаніяй МТС і пры фінансавай падтрымцы Міністэрства замежных спраў Рэспублікі Польшча працягвае серыю бясплатных вэбінараў па пытаннях бяспечных паводзінаў у інтэрнэце.
Вэбінар «Бацькі анлайн: падтрымка і рызыкі ў сеціве» арыентаваны на бацькоў падлеткаў. У ходзе мерапрыемства яго ўдзельнікі даведаюцца аб тым, як уплывае падлеткавы ўзрост на асаблівасці дзіцяча-бацькоўскіх стасункаў, як можна падтрымаць баланс паміж рэальнымі і віртуальнымі зносінамі са сваім дзіцём, як бацькі могуць стаць пазітыўным ці негатыўным прыкладам паводзінаў у інтэрнэце. Дарослыя атрымаюць рэкамендацыі па эфектыўных спосабах падтрымкі сваіх дзяцей, якія дапамогуць пазбегнуць небяспекі ў інтэрнэт-прасторы, а таксама даведаюцца пра розныя віды пагрозаў, з якімі можа сутыкнуцца падлетак у сеціве.
Вядучыя вэбінара — адказны за кірунак па дзіцячай бяспецы ў інтэрнэце «Лабараторыі Касперскага» Андрэй Сідзенка і Ілляна Матвіенка, псіхолаг Рэспубліканскага цэнтра псіхалагічнай дапамогі, спецыяліст па рабоце з дзецьмі і падлеткамі, аўтар і вядучы адукацыйнай праграмы «Навыкі для жыцця» ў «Акадэміі крэатыўных тэхналогій для дзяўчат».
Для ўдзелу ў вэбінары неабходна зарэгістравацца да 12.00 23 чэрвеня ўключна.
Надзея НІКАЛАЕВА
Прэв'ю: unicef.de
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».