03 снежня, чацвер

Вы тут

Людзям трэба растлумачыць


Улады павінны дайсці да кожнага чалавека і дапамагчы яму ў вырашэнні пытання, як мінімум растлумачыць, чаму зараз штосьці зрабіць не атрымліваецца і калі з'явіцца адпаведная магчымасць. Такое меркаванне выказала журналістам начальнік галоўнага ідэалагічнага ўпраўлення Адміністрацыі Прэзідэнта Вольга ШПІЛЕЎСКАЯ падчас асабістага прыёму грамадзян у Дзяржынскім райвыканкаме.


— Людзям важна тлумачыць. Мы не даходзім да кожнага чалавека, а трэба ўсім растлумачыць, чаму пытанне не вырашана, што трэба здзейсніць, у які бок зрабіць крокі, каб пытанне было вырашана, — падкрэсліла яна.

Так, адразу некалькі чалавек з Дзяржынска паскардзіліся на дарогі ў горадзе: маўляў, стан іх дрэнны, у ямінах. Былі звароты жыхароў раёна па транспартным абслугоўванні, добраўпарадкаванні тэрыторыі, пенсійным забеспячэнні і іншыя. Усе яны не застануцца без належнай увагі, узяты на кантроль.

Падводзячы вынікі прыёму, Вольга Шпілеўская адзначыла, што большасць пытанняў датычылася добраўпарадкавання і навядзення парадку ў Дзяржынску:

— Прэзідэнт асабіста бярэ на кантроль развіццё ўсіх райцэнтраў, у першую чаргу гэта датычыцца вялікіх гарадоў. Паколькі гэта горад-спадарожнік, то пытанне дарог павінна вырашацца. Пытанне набалелае, яно ўзнікла не ўчора, таму і вырашыцца не за дзень. Але мясцовая ўлада скіравана на работу. Адпаведна, будуць прынятыя рашэнні, пытанню будзе аддадзена асаблівая ўвага, — адзначыла яна.

Між іншым, гучалі пытанні і ад жыхароў іншых раёнаў. Па словах начальніка галоўнага ідэалагічнага ўпраўлення, з аднаго боку, дрэнна, што людзі звяртаюцца не да мясцовай улады, а адразу ідуць «наверх». Гэта азначае, што яны не вераць у тое, што мясцовая ўлада дапаможа ў вырашэнні іх праблемы. З другога боку — некаторыя праблемы мясцовая ўлада на сваім узроўні вырашыць не можа, людзі гэта разумеюць. Таму трэба выносіць такія пытанні на больш высокі ўзровень, магчыма, нават уносіць карэктывы ў заканадаўства, калі гэта патрабуецца.

Паводле БелТА

Кіраўніцтва Адміністрацыі Прэзідэнта працягвае сустракацца з людзьмі ў рэгіёнах.

Заўтра, 24 чэрвеня, намеснік кіраўніка Адміністрацыі Прэзідэнта Вольга Іванаўна ЧУПРЫС у Пінску наведае Палескі дзяржаўны ўніверсітэт. Там жа будзе праведзены асабісты прыём грамадзян, які пачнецца а 14-й гадзіне.

У чацвер, 25 чэрвеня, памочнік Прэзідэнта па пытаннях фінансава-крэдытнай сістэмы Валерый Іванавіч БЕЛЬСКІ наведае ў Жлобіне Беларускі металургічны завод. Асабісты прыём грамадзян, які будзе праведзены там жа, пачнецца ў 12.00.

Прэв'ю: БелТА

Выбар рэдакцыі

Грамадства

Ежа як лякарства. Што з'есці, каб стаць здаравейшым?

Ежа як лякарства. Што з'есці, каб стаць здаравейшым?

Мы вырашылі распытаць спецыяліста.  

Грамадства

Міністр ЖКГ Андрэй Хмель: Спажыўца паслугі трэба пачуць і зразумець

Міністр ЖКГ Андрэй Хмель: Спажыўца паслугі трэба пачуць і зразумець

Аб за­крыц­ці па­лі­го­наў, уплы­ве ка­ра­на­ві­ру­са, за­клі­ках да не­пла­ця­жу за ка­му­наль­ныя па­слу­гі і най­блі­жэй­шых перс­пек­ты­вах.

Грамадства

У Гродне завяршаецца першы этап рэстаўрацыi Старога замка

У Гродне завяршаецца першы этап рэстаўрацыi Старога замка

Стары замак нiколi не меў завершанага выгляду. Яго неаднаразова аднаўлялi i рэканструявалi, таму яго архiтэктура ўтрымлiвае ў сабе стылi некалькiх эпох.

Грамадства

Непаўналетнiя ў крымiнальным працэсе: практычныя нюансы

Непаўналетнiя ў крымiнальным працэсе: практычныя нюансы

Пра асаблiвасцi абароны правоў дзяцей-правапарушальнiкаў (затрыманне, прымяненне мер стрымлiвання, следчыя дзеяннi) расказалi эксперты падчас аднаго з вэбiнараў, якiя сумесна з Рэспублiканскай калегiяй адвакатаў Дзiцячы фонд ААН (ЮНIСЕФ) у Беларусi арганiзаваў яшчэ летам.