Вы тут

Буйная цыбуля з сеянкi


Каб вырасцiць менавiта буйную цыбулю, трэба ведаць некаторыя нюансы догляду, калi iх улiчваць з моманту пасеву цыбулi i да яе збору, можна дасягнуць гэтай мэты.


Пасадка

Першы момант, якi вызначае канчатковы вынiк, — пасадка цыбулi. Саджаць цыбулю можна не толькi вясной, але i пад зiму. Варта памятаць, што гэтая раслiна не любiць глiнiстай глебы. Калi ж выбiраць няма з чаго, i на ўчастку глеба менавiта такая, то склад яе трэба будзе абавязкова падкарэкцiраваць. Для гэтага на градку зверху насыпаюць пясок цi торф i добра змешваюць з асноўным саставам глебы. Акрамя гэтага, глеба павiнна быць яшчэ i слабашчолачнай. Калi яна кiслая, то яшчэ ўвосень у яе трэба абавязкова дадаць даламiтавай мукi, якая дапаможа глебу значна раскiслiць.

Цяпер, што датычыцца сеянкi. Яе таксама трэба абавязкова для пасадкi падрыхтаваць. Лепш за ўсё трохi «выкупаць» у марганцоўцы (робiм раствор i апускаем яе туды хвiлiн на 10 або 20). Так можна ўвесь пасадачны матэрыял абеззаразiць, што ў далейшым захавае раслiну ад некаторых захворванняў. Можна паскорыць прарастанне цыбулi. Для гэтага верхавiнку ў сеянкi трэба будзе злёгку абрэзаць. Пры пасадцы ў радок, трэба насыпаць трошачкi звычайнай солi. Яна дапаможа адпудзiць цыбульную муху з градак. Акрамя солi, згаданага шкоднiка можа адпудзiць яшчэ i морква. Таму заўсёды саджайце абедзве гэтыя раслiны побач. Цыбуля для морквы таксама карысная, бо ў яе ёсць свая муха, маркоўная, якая шкодзiць ўжо моркву. Цыбуля ж якраз не дае наблiзiцца маркоўнай мусе да яе любiмага ласунка. Так што карысць тут узаемная.

Як i чым падкармiць?

Не сакрэт, што правiльная падкормка iстотна ўплывае на велiчыню пладоў любых культур. Для цыбулi падкормка таксама вельмi важная. Робiцца яна не аднаразова, а тры разы. Упершыню падкармiць цыбулю трэба абавязкова, пры з'яўленнi на ёй усяго двух пёрак. Добра падыходзiць для гэтага гнаявая жыжка, якую трэба будзе прыгатаваць. Робiцца тое проста — лiтр гною звычайна разводзяць у вядры вады. Акрамя гнаявой жыжы, добра падыходзiць i курыны памёт. Яго канцэнтрацыя ўжо будзе меншая — адну шклянку такога памёту на цэлае вядро вады. Да абодвух варыянтаў гэтай падкормкi трэба будзе дадаць яшчэ некалькi кампанентаў. Гэта суперфасфат (грамаў 30—40), якi папярэдне абавязкова раствараецца ў цёплай вадзе, i яшчэ попел (насыпаем шклянку).

Другi раз не забудзьцеся падкармiць цыбулю ўжо праз два тыднi. Робiцца гэта зноў тым жа суперфасфатам (30 грамаў), але ўжо з мачавiнай (10 грамаў) i калiем (5 грамаў). Разлiк гэты дадзены таксама на вядро вады.

У канцы чэрвеня давядзецца яшчэ раз успомнiць пра падкормку. Рабiць гэта трэба дакладна такiм жа саставам, што i падкормка нумар 2. Але, калi затрымаецеся, i падкормка будзеце праводзiцца ў пачатку лiпеня, тады замест мачавiны скарыстайцеся азотам. Але з азотнымi ўгнаеннямi трэба быць акуратным. Калi «перабераце», то атрымаеце добрае пяро, але пры гэтым самi цыбулiны iстотна пацерпяць. Сернакiслы калiй, гэта найлепшы варыянт з усiх калiйных угнаенняў, таму што цыбулi сера неабходная. Калiй жа шмат у чым вызначае i агульную захаванасць цыбулiн. Ён таксама прысутнiчае i ў попеле.

Свежы гной, якi многiя ўносяць вясной, для падкормкi цыбулi выкарыстоўваць нельга. Тое ж самае датычыцца i хлорыстага калiю (унесцi яго можна, але рабiць гэта трэба толькi восенню). А вось фосфарам грэбаваць не варта, бо ён шмат у чым вызначае велiчыню цыбулiн.

Як сушыць i захоўваць?

Калi добрую, буйную цыбулю, якая вырасла, не ўдасца захаваць, то навошта тады наогул яе вырошчваць? А каб захоўвалася доўга, яе трэба, перш за ўсё, сабраць своечасова з градкi. Калi пойдуць першыя жнiвеньскiя дажджы, цыбулi на градках быць ужо не павiнна.

Калi ўбраць цыбулю своечасова — гэта таксама не гарантыя яе працяглага захоўвання. Галоўнае пасля — яшчэ добра прасушыць. Лепш за ўсё гэта ўдаецца зрабiць на гарышчы, калi там дастаткова цёпла ды адначасова яшчэ i вецер гуляе. Калi цыбуля добра прасохне, то з яе здымаюць увесь бруд, i адразаюць высахлае бацвiнне. Але адразаюць не пад корань, а абавязкова пакiдаюць сантыметраў 8—10.

Ірына ТАМКОВІЧ

Выбар рэдакцыі

Эканоміка

Як абараняцца ад рыэлтараў, якія не хочуць працаваць па законе

Як абараняцца ад рыэлтараў, якія не хочуць працаваць па законе

Лiцэнзiя агенцтва «Гатовыя рашэннi» скасавана, «Iмперыi нерухомасцi» — прыпынена, а «Тваёй сталiцы» выпiсана прадпiсанне.

Палітыка

Аляксандр Лукашэнка: Гэта адна з самых складаных выбарчых кампаній

Аляксандр Лукашэнка: Гэта адна з самых складаных выбарчых кампаній

Кіраўнік дзяржавы прагаласаваў на выбарах Прэзідэнта.

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.