Вы тут

Расказваем, як асвоiць тэхнiку дыяфрагмавага дыхання


Калi перыядычна ў вас узнiкаюць трывога, унутранае напружанне, раздражняльнасць, цяжкасцi з засынаннем i iншыя непрыемныя сiмптомы неўратычнага характару, то вам можна параiць асвоiць тэхнiку дыяфрагмавага дыхання i нервова-мышачную рэлаксацыю паводле Джэкабсана. Як гэта зрабiць, расказала Ганна МIКУЛА, урач-псiхатэрапеўт Гарадскога клiнiчнага псiхiятрычнага дыспансера Мiнска.


—  Пры трывозе i напружаннi дыханне становiцца паверхневым i частым, арганiзм не атрымлiвае ў дастатковай колькасцi кiсларод, парушаюцца суадносiны кiслароду i вуглякiслага газу, ускладняецца работа сэрца, —  расказвае ўрач. —  Для таго каб зрабiць дыханне больш глыбокiм i размераным, неабходна фiксаваць увагу на выдыху, стараючыся максiмальна яго падоўжыць. Для гэта прасцей за ўсё нешта прагаворваць услых на адным дыханнi да таго моманту, пакуль не скончыцца паветра ў лёгкiх, напрыклад, лiчыць. Пасля гэтага пажадана зрабiць паўзу i ўдыхнуць.

Каб зразумець, цi правiльна вы ўсё робiце, звярнiце ўвагу на свой жывот: падчас выдыху ён як бы ўцягваецца, а на ўдыху наадварот, раздуваецца. Таму дыяфрагмавае дыханне па-iншаму называюць «дыханнем жыватом».

—  Важна выкарыстоўваць гэту тэхнiку не толькi падчас трывогi, але i для яе прафiлактыкi. Дыяфрагмальнае дыханне дапамагае пазбавiцца ад трывогi i спешкi, зрабiць больш размеранымi i спакойнымi думкi i рухi. А таксама на ўзроўнi абмену рэчываў нармалiзаваць стан вашага арганiзма, —  тлумачыць Ганна Мiкула.

Яшчэ адна тэхнiка —  нервова-мышачная рэлаксацыя паводле Джэкабсана. Яна заснаваная на прынцыпе ўзаемнага ўплыву мышачнага i эмацыянальнага стану.

—  Каб зняць цi не дапусцiць эмацыянальнае перанапружанне, неабходна папераменна напружваць i расслабляць розныя мышцы: кiсцяў рук, твару, плечавога пояса, жывата, сцёгнаў, галёнак, ступняў. Напружанне важна рабiць на выдыху, пасля чаго адбываецца расслабленне, якое па часе павiнна быць у некалькi разоў даўжэйшым, чым напружанне, —  расказвае ўрач.

Пры гэтым важна запамiнаць адчуваннi, якiя з'яўляюцца ў мышцах, што папрацавалi. Гэта можа быць прыемнае цяпло, адчуванне лёгкасцi цi наадварот прыемны цяжар i адчуванне паколвання.

—  Сiгнал аб расслабленнi мышцаў паступае ў кару галаўнога мозга, уцягваючы ў працэс расслаблення iншыя зоны, што ў рэшце рэшт прыводзiць да рэлаксацыi ўсяго арганiзма. Чым болей мышачных груп уключана ў работу, тым больш поўнае расслабленне. Калi вы абмежаваны ў часе, неабходна ў першую чаргу аддаць увагу тым мышцам, якiя маюць максiмальную праекцыю ў кары галаўнога мозга. Гэта мышцы кiсцяў рук i твару. Напрыклад, на выдыху сцiснiце кiсцi рук у кулакi i трымайце iх у напружаннi, пакуль не стомiцеся, пасля чаго расслабце i фiксуйце ўвагу на адчуваннi расслаблення, —  расказвае Ганна Мiкула.

Па меры трэнiроўкi фармiруецца цялесная памяць пра гэта камфортнае адчуванне i адзiн успамiн пра яго нават без правядзення самiх практыкаванняў здольны выклiкаць рэлаксацыю ўсяго арганiзма.

Алена КРАВЕЦ

Прэв'ю: egnyshevka.ru

Загаловак у газеце: Своечасова расслабiцца

Выбар рэдакцыі

Культура

Кіно, якога не чакалі — 3. Завяршаем падборку драйвовых беларускіх фільмаў

Кіно, якога не чакалі — 3. Завяршаем падборку драйвовых беларускіх фільмаў

Сфера культуры ярчэй за іншыя паказвае, што калі не працуюць традыцыйныя схемы, прыходзіцца шукаць чорны ўваход. Пошукі часам нараджаюць эксперыменты і выкруты, якія абыходзяць абмежаванні, патэрны і завядзёнку і становяцца найлепшымі знакамі свайго часу. 

Грамадства

Як біятэхналогіі паляпшаюць якасць жыцця і здароўя чалавека?

Як біятэхналогіі паляпшаюць якасць жыцця і здароўя чалавека?

Па прагнозах спецыялістаў, не менш як 20 працэнтаў ад аб'ёму тавараў у XXІ стагоддзі будзе за біятэхналогіямі.

Грамадства

Збіраем гардэроб школьніка разам са стылістам

Збіраем гардэроб школьніка разам са стылістам

Пошукі і набыццё «школьнай формы», як па старой звычцы кажуць мамы і таты, — тая яшчэ галаваломка! 

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.