Вы тут

Журналіст газеты «Звязда» атрымала галоўны прыз конкурсу Спасовіча


Больш за сотню работ даслалі на штогадовы конкурс імя У.Спасовіча, заснаваны Міністэрствам юстыцыі.

Сярод 24 журналістаў краіны спецыяльны карэспандэнт газеты «Звязда» Ірына Сідарок стала пераможцам у сваёй катэгорыі, атрымаўшы галоўны прыз конкурсу — статуэтку. Пачэсная ўзнагарода — сведчанне прызнання юрыдычнай суполкай інфармацыйнай карысці і практычнай дапамогі людзям дзякуючы пастаяннай рубрыцы «Прававая гасцёўня», якую вядзе журналіст.


За жаданую і прэстыжную сярод юрыдычнай суполкі ўзнагароду — бронзавую статуэтку, якая ўвасабляе сабой законнасць і літаратурны талент, — змагаліся адвакаты, юрысты, журналісты і творчыя калектывы. Агулам сёлета даслалі больш за сотню работ.

Творчае спаборніцтва ацэньвалася ў 11 намінацыях: суд, пракуратура, следства, выканаўчае вядзенне, адвакатура, натарыят, навука і права, гаспадарка і права, медыяцыя, журналістыка, студэнцкая навука. Аднак галоўных прызоў-статуэтак гэтым разам у асноўных катэгорыях прысудзілі толькі дзевяць. Яшчэ два спецыяльныя прызы па-за межамі намінацый атрымалі адвакаты Брэсцкай абласной калегіі за пастаноўку спектакля «Пінская шляхта» і Аляксандр Сувораў, аўтар выдання «Летапіс стагоддзя. Органы юстыцыі Рэспублікі Беларусь».

Дасланыя на суд журы работы ў Міністэрстве юстыцыі назвалі «скарбніцай ідэй і ініцыятыў», бо гэта не толькі публікацыі, тэле- і радыёперадачы на прававую тэматыку, але і паўнавартасныя выданні і цэлыя творчыя праекты.

— Усё гэта спрыяе стварэнню прававой дзяржавы і фарміраванню прававой культуры грамадства, — падкрэсліў міністр юстыцыі Алег СЛІЖЭЎСКІ. — А журналісты, якія працуюць у гэтай тэме, трансліруюць людзям новаўвядзенні заканадаўства, даступнай мовай выкладаюць часам складаныя для ўспрымання нормы права.

Арганізатары канстатуюць — цікавасць да конкурсу і яго прэстыж з кожным годам узрастае, як і колькасць удзельнікаў і намінацый.

Ул. інф.

Выбар рэдакцыі

Грамадства

Матывацыя праз гейміфікацыю, або як працуюць механізмы гульні ў адукацыі

Матывацыя праз гейміфікацыю, або як працуюць механізмы гульні ў адукацыі

Вядома, што гульня здольная захапіць усю ўвагу чалавека і не адпускаць яе доўгі час.

Культура

Падмурак Трэцяга Рэнесансу закладваецца ва Узбекістане

Падмурак Трэцяга Рэнесансу закладваецца ва Узбекістане

У Ташкенце прайшлі Тыдзень культурнай спадчыны Узбекістана і ІV Міжнародны кангрэс Сусветнага таварыства па вывучэнні, захаванні і папулярызацыі культурнай спадчыны Узбекістана «Культурная спадчына Узбекістана — падмурак новага Рэнесансу».

Грамадства

Елку можна секчы, але нельга спальваць у печы. Чым небяспечныя хвойныя дрэвы і што з імі рабіць, асабліва пасля свят

Елку можна секчы, але нельга спальваць у печы. Чым небяспечныя хвойныя дрэвы і што з імі рабіць, асабліва пасля свят

Елкі, вывезеныя на смеццевыя палігоны, падчас гніення выдзяляюць у асяроддзе шкодныя рэчывы не горш за пластык.

Грамадства

Як вайскоўцы на захопленым нямецкім аўтамабілі прарываліся да партызанаў і выратавалі людзей ад расстрэлу

Як вайскоўцы на захопленым нямецкім аўтамабілі прарываліся да партызанаў і выратавалі людзей ад расстрэлу

Наш даўні сябар — жыхар Вялікай Бераставіцы — Міхаіл Маскальчук даслаў нам чарговы цікавы аповед, які быў запісаны са слоў бацькі Міхаіла, Васіля Маскальчука.