Член Пастаяннай камісіі па нацыянальнай бяспецы Марына Лянчэўская растлумачыла журналістам перад пасяджэннем другой сесіі Палаты прадстаўнікоў Нацыянальнага сходу Беларусі, што ў 2014 годзе Дэкрэт Прэзідэнта № 6 «Аб неадкладных мерах па процідзеянні незаконнаму абароту наркотыкаў» прадугледзеў норму аб раздзельным утрыманні асоб, асуджаных за незаконны абарот наркотыкаў.
«Злачыннасць, звязаная з незаконным абаротам наркотыкаў, скарацілася ў тры разы. Сярод непаўналетніх — у чатыры разы. Ад перадазіроўкі сёння паміраюць у пяць разоў менш людзей, у дваццаць разоў — сярод падлеткаў», — агучыла статыстыку дэпутат.
Дзякуючы станоўчай дынаміцы заканадаўцы ўбачылі неабходнасць адмены часткі 5-прым арт. 71 Крымінальна-выканаўчага кодэксу. Скасаванне патрабавання аб раздзельным утрыманні асуджаных здымае сацыяльную напружанасць у грамадстве, дазваляе аптымізаваць выдаткі.
Закон будзе выконвацца паступова, не пацягне неадкладнага памяшчэння ўсіх ужо асуджаных у іншыя папраўчыя ўстановы, удакладніла Марына Лянчэўская.
Законапраект прыняты адразу ў двух чытаннях.
Варвара МАРОЗАВА
Прэв’ю: Depositphotos.com
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.