Вы тут

Жыхары Краснаполля разам упрыгожылі свой двор


Маладзёжны праект БРСМ «#Разам з бацькамі» падтрымалі краснапольскія дэпутаты, грамадская арганізацыя «Белая Русь», прадпрыемства «Жылкамгас» і шматдзетныя сем'і дамоў №№ 22 А і 22 Б па вуліцы Ціміразева. Наводзіўся парадак на прыдамавых тэрыторыях і на дзіцячай пляцоўцы.


— Гэтая пляцоўка выбрана невыпадкова, — адзначыла старшыня Краснапольскага Савета дэпутатаў Анжаліка Гоман. — Агульная колькасць дзяцей, якія тут пражываюць, самая вялікая ў райцэнтры. Першы сакратар раённай арганізацыі БРСМ Марыя Шайтура разам з нашым дэпутатам райсавета па Ціміразеўскай акрузе № 2 Наталляй Герашчанкай правялі папярэднюю інфармацыйную работу сярод насельніцтва. Радуе, што так шмат сем'яў адгукнулася на наш заклік. Такія мерапрыемствы яднаюць пакаленні, выхоўваюць у падлетках любоў да сваёй радзімы.

Удзельнікі акцыі фарбавалі лаўкі і дзіцячыя арэлі, наводзілі парадак з пясочніцамі і скрынямі, бялілі бардзюры. Арганізацыя «Белая Русь» забяспечыла ахвотных фарбамі і мелам, а «Жылкамгас» устанавіў для дзяцей новую пясочніцу. Літаральна за гадзіну дзіцячая пляцоўка зайграла новымі фарбамі.

Нэлі ЗІГУЛЯ

Фота дадзена рэдакцыяй раённай газеты «Чырвоны сцяг»

Загаловак у газеце: Разам упрыгожылі свой двор

Выбар рэдакцыі

Спорт

Замена Алімпіядзе. Беларуская лёгкаатлетычная

Замена Алімпіядзе. Беларуская лёгкаатлетычная

Беларуская федэрацыя лёгкай атлетыкі зладзіла свае гульні.

Грамадства

Без чаргі і за лічаныя хвіліны. Як здаюць экспрэс-тэст на каранавірус

Без чаргі і за лічаныя хвіліны. Як здаюць экспрэс-тэст на каранавірус

З мінулага тыдня экспрэс-тэсціраванне на COVІD-19 даступнае ў многіх паліклініках краіны, у тым ліку і ў невялікіх гарадках і пасёлках гарадскога тыпу.