У Пекіне палепшылася якасць паветра

Цягам пяці месяцаў.

Сярэдняя канцэнтрацыя ўзважаных часціц PM2,5 у атмасферным паветры ў Пекіне са студзеня па май склала 45 мкг на кубаметр, што на 6,2 працэнта менш у параўнанні з тым жа перыядам папярэдняга года. Пра гэта паведамілі сталічныя ўлады, перадае «Жэньмінь жыбаа» анлайн».

У справаздачным перыядзе добрая якасць паветра назіралася на працягу 120 дзён, што на 18 дзён больш, чым годам раней, вынікае з дадзеных Упраўлення па экалогіі і навакольным асяроддзі Пекіна. Сярэдняя канцэнтрацыя PM2,5 ў паветры ў маі склала 36 мкг на кубаметр, што ніжэй за сярэдні паказчык за першыя пяць месяцаў гэтага года.

Летась гэты паказчык дасягнуў рэкордна нізкага значэння ў 42 мкг на кубаметр, а колькасць дзён з добрай якасцю паветра ў сталіцы Кітая дасягнула 240. У ведамстве адзначылі, што прагрэс быў дасягнуты дзякуючы розным мерам, уключаючы вывад з эксплуатацыі вельмі неэкалагічных транспартных сродкаў, больш эфектыўнае прадухіленне ўтварэння пылу на будаўнічых пляцоўках, а таксама кантроль узроўню забруджвання атмасфернага паветра лятучымі арганічнымі злучэннямі.

Прэв’ю: nat-geo.ru