Вы тут

Лібава — і наш боль


Беларусы Ліепаі ўсклалі ў горадзе кветкі да помнікаў воінскай славы 22 чэрвеня — у дзень пачатку Вялікай Айчыннай вайны


Ад імя суполкі “Мара” кветкі ўскладае Віктар Янцэвіч

Памятную дату ўсе мы, народжаныя ў СССР, ведаем, здаецца, з дзяцінства: што ўранні 22 чэрвеня 1941 года без абвяшчэння вайны фашысцкая Германія напала на Савецкі Саюз. Пры тым быў нанесены масіраваны ўдар па ваенных і стратэгічных аб’ектах, шматлікіх гарадах. Так пачалася Вялікая Айчынная вайна, якая доўжылася 1418 дзён і начэй. Ведаем, якія велізарныя ахвяры панёс у той жудаснай вайне менавіта савецкі народ. І памятаем, што ён зрабіў вырашальны ўнёсак у вызваленне народаў Еўропы ад фашыстаў, у разгром гітлераўскіх войскаў. Таму ў многіх краінах 22 чэрвеня — Дзень памяці й смутку. Праходзяць памятныя імпрэзы з запальваннем свечак, ускладаннем кветак да помнікаў і мемарыялаў. Прыспускаюцца дзяржаўныя сцягі — у памяць пра шматлікія ахвяры вайны, якія былі ў сем’ях усіх народаў, што ў ёй удзельнічалі.

Тады Латвія й Беларусь былі памежнымі тэрыторыямі. Гітлераўцы атакавалі абедзве савецкія рэспублікі фактычна адначасова. Ліепая (тады Лібава), дзе размяшчалася Лібаўская ваенна-марская база Чырванасцяжнага Балтыйскага флоту (ім камандаваў капітан 1-га рангу Міхаіл Клевенскі), як і Брэст, першай прыняла варожы ўдар 22 чэрвеня: раптоўную бамбардзіроўку на світанні. У 3 гадзіны 55 мінут бомбы абрушыліся на ваенна-марскую базу, стаянкі караблёў, ваенны аэрадром. Ліепаю абаранялі воіны Савецкай арміі, маракі-балтыйцы й атрады рабочых. У ходзе баёў за горад, пры выхадзе з акружэння многія загінулі ці трапілі ў палон. Далей — расстрэлы, катаванні ў канцлагерах, гібель соцень тысяч людзей ад ран, хвароб, голаду, холаду. Нямногія прайшлі праз тыя выпрабаванні, здолелі выжыць. І ўсе тыя, хто мужна прыняў бой у 41-м, зрабілі свой унёсак у Перамогу, якая прыйшла 9 мая 1945 года.

Не ўсе ведаюць, што пісьменнік Сяргей Смірноў, які зрабіў усеагульным здабыткам гераічную эпапею абароны Брэсцкай крэпасці, быў захоплены й гісторыяй абароны Ліепаі, займаўся пошукамі яе герояў.

22 чэрвеня, у 79-ю гадавіну пачатку Вялікай Айчыннай вайны, старшыня Ліепайскай беларускай суполкі “Мара” Віктар Янцэвіч ад імя супляменнікаў горада разам з прадстаўнікамі Генконсульства Расіі ў Ліепаі ды іншых грамадскіх арганізацый паўдзельнічаў ва ўрачыстым ускладанні кветак на Цэнтральных, Ліўскіх і Гарнізонных могілках. Кветкі былі ўскладзены да мемарыяла на месцы першага масавага расстрэлу людзей у 1941-м (каля Ліепайскага маяка), да Памятнай сцяны абаронцам Ліепаі “Сярэдні форт” (месцы асноўнай лініі абароны горада з 23 па 27 чэрвеня), на месцы смяротнага ранення камандзіра 67-й стралковай дывізіі, генерал-маёра Мікалая Дзядаева, да помніка абаронцам Ліепаі, ля помніка на Шкедскай дарозе.

Памяць загінулых ушанавалі мінутай маўчання.

Анжэла Фаміна, г. Ліепая

Фота аўтара

Нумар у фармаце PDF

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.