Вы тут

АПБ просіць паведамляць аб месцах пражывання дзікіх хамякоў у Беларусі


Грамадская арганізацыя «Ахова птушак Бацькаўшчыны» просіць паведамляць аб месцах пражывання дзікіх хамякоў у Беларусі, напісалі на сайце АПБ.


Справа ў тым, што аб стане папуляцыі хамяка ў Беларусі ўжо гадоў 10 нічога невядома. Раней гэта быў звычайны від, і ў савецкі час яго масава знішчалі як «шкодніка» палёў. У выніку яго колькасць скарацілася настолькі, што ў 2005 году від быў уключаны ў нацыянальную Чырвоную кнігу.

Ужо другі год АПБ беспаспяхова шукае дзікіх хамякоў у Беларусі. Магчыма, від знік. Таму АПБ вырашыла заахвоціць узнагародай тых, хто дапаможа знайсці жылыя норы гэтага грызуна. Хамякі калісьці вадзіліся ў Брэсцкім, Камянецкім, Пружанскім, Кобрынскім, Бярозаўскім, Баранавіцкім, Добрушскім і Гомельскім раёнах.

Хамякі робяць свае норы ў сельскагаспадарчых угоддзях на мяжы палёў, па абочынах дарог, могуць сяліцца ў садках і на гародах. Норы у хамякоў буйныя, ля ўваходу ў іх выкінута шмат зямлі. Дыяметр уваходу ў нару — каля 10 см. Падобныя норы бываюць і ў пацукоў.

Беларускі хамяк — сапраўдны дзікі звер! Дзікія хамякі агрэсіўныя, яны значна буйней сірыйскіх і Джунгарскага хамякоў, памерам з андатру: даўжыня цела да 35 см, вага ў сярэднім 300 г. Афарбоўка вельмі характэрная: верх цела рудавата-буры, брушка чорнае. Хамякі размножваюцца двойчы: вясной і летам. На зіму дзікія хамякі ўпадаюць у спячку. Хамяка цяжка ўбачыць днём, так як гэта ўтойлівы грызун, актыўны ў змярканні і вядучы адзіночны лад жыцця.

Паведаміць аб месцы пражывання хамяка можна на электронную пошту levy@ptushki.org ў лісце з тэмай «Хамяк». Яно павінна ўтрымліваць фота хамяка або выяўленай нары, у якой для маштабу трэба змясціць прадмет накшталт мабільнага тэлефона. Таксама ў ліст трэба ўключыць апісанне мясцовасці, тлумачэнне, па якіх прыкметах зроблена выснова, што гэта менавіта хамяк (яго нара), і нумар тэлефона для сувязі. Спецыялісты АПБ выедуць на месца і ўсталююць аўтаматычную камеру, каб сфатаграфаваць гаспадара нары. Першым дзесяці, якія знайшлі жылую нару гэтага грызуна (пры ўмове, што хамяк не пацярпеў), будзе выплачана ўзнагароджанне ў Br200.

Прэв’ю: Shutterstock

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.