Вы тут

У «Новай Баравой» запусцілі «вулічныя» падкасты пра герояў авіяцыі


Забудоўшчык «Новай Баравой» кампанія «А-100 Дэвелапмент» запусціла серыю гарадскіх аудыёпадкастаў пра герояў авіяцыі, у гонар якіх названы вуліцы раёна. Трэба заўважыць, што доўгі час на яго месцы знаходзіўся аэрадром «Баравая», а музей авіятэхнікі знаходзіцца там і да гэтага часу.


Паслухаць гісторыі можна бясплатна — запісаныя падкасты «убудавалі» ў гарадскую прастору, размясціўшы QR-коды на ўсіх прыпынках грамадскага транспарту «Новай Баравой». Падкасты запісаныя на дзвюх мовах — беларускай і рускай. Кожны з іх доўжыцца ў сярэднім пяць хвілін, а самы працяглы — больш за дзесяць.

Жыхарам і гасцям новага сталічнага мікрараёна прапануюць даведацца пра гісторыю авіяцыі — ад першых спробаў эпохі Адраджэння да нараджэння сучаснай авіяцыі.

Героямі падкастаў сталі: вынаходнік першых лятальных апаратаў Леанарда да Вінчы, браты Райт, якія прыдумалі і пабудавалі першы самалёт у 1903 годзе, Амелія Эрхарт — першая жанчына, якая ў адзіночку на самалёце перасекла Атлантычны акіян, Арцём Мікаян — авіяканструктар, які стварыў марку самалётаў «МИГ», Міхаіл Міль, які распрацаваў першы савецкі серыйны верталёт «МИ», Мікалай Камаў, якому належыць вынаходніцтва легендарных верталётаў «Ка» і слова «верталёт», і Аляксандр Якаўлеў — аўтар легендарных самалётаў «Як». Усяго створана сем падкастаў — па колькасці вуліц Новай Баравой, не лічачы магістраляў Нябеснай і Авіяцыйнай.

Надзея НІКАЛАЕВА

Фота: PR Vision

Выбар рэдакцыі

Эканоміка

Маладых спецыялістаў у сельскай гаспадарцы вабяць не толькі жыллё і зарплата

Маладых спецыялістаў у сельскай гаспадарцы вабяць не толькі жыллё і зарплата

У сельгаскааператыве «Ніва-2003» Гродзенскага раёна цяпер працуе ажно 11 маладых спецыялістаў. 

Грамадства

Як працуюць маладыя спецыялісты ў Гарадоцкім раёне

Як працуюць маладыя спецыялісты ў Гарадоцкім раёне

Райцэнтр Гарадок знаходзіцца прыкладна за трыццаць кіламетраў ад Віцебска, недалёка — мяжа з Расіяй. Як там сёння з кадравым пытаннем?

У свеце

Барацьба з эпiдэмiяй у Пекiне: адлюстраванне ўзроўню мунiцыпальнага кiравання

Барацьба з эпiдэмiяй у Пекiне: адлюстраванне ўзроўню мунiцыпальнага кiравання

Да Кiтая ўвага ўсёй сусветнай супольнасцi прыкавана з розных прычын.

Грамадства

Кампазiтар Алег Елiсеенкаў: У нас з жонкай усё агульнае — i радасцi, i нягоды, i грошы

Кампазiтар Алег Елiсеенкаў: У нас з жонкай усё агульнае — i радасцi, i нягоды, i грошы

Са сваёй жонкай аўтар папулярных песень знаёмы амаль паўстагоддзя.