Вы тут

Найлепшых медыцынскiх работнiкаў краiны ўшанавалi ў Савеце Рэспублiкi


За значны ўнёсак у рэалiзацыю сацыяльнай палiтыкi краiны, шматгадовую добрасумленную працу ў галiне аховы здароўя Ганаровымi граматамi Нацыянальнага сходу Беларусi ўзнагародзiлi медыцынскiх работнiкаў кожнага рэгiёна i сталiцы — усяго 36 чалавек. Ганаровая цырымонiя адбылася перад пачаткам заключнага пасяджэння другой сесii Савета Рэспублiкi.


Спiкер верхняй палаты парламента выказала шчырыя словы ўдзячнасцi за тую вялiкую i патрэбную грамадству мiсiю, якую штодзень выконваюць гэтыя людзi.

— Гэты год стаў асаблiвым для медработнiкаў. Тая бяда, якая прыйшла практычна ва ўсе краiны свету i ў тым лiку ў Беларусь, па-новаму прымусiла нас паглядзець на работу людзей у белых халатах. I канешне, у гэтыя днi кожны па-асаблiваму выказваў iм удзячнасць. Мы бачылi гэта з тэлеэкранаў, чыталi са старонак газет. Мяркую, што гэтыя людзi ў кожнага з нас у сэрцы. З першых дзён з'яўлення чалавека на свет яны суправаджаюць нас i на працягу ўсяго жыцця робяць усё для таго, каб мы маглi спакойна жыць i працаваць, — падкрэслiла яна.

Наталля Качанава выказала ўдзячнасць медыцынскiм работнiкам за адданую работу i адзначыла, што iх штодзённая праца нароўнi з подзвiгам — цяжкая i адказная.

— Сёння Прэзiдэнтам робiцца ўсё магчымае для таго, каб стварыць годныя ўмовы для работы медыцынскiх работнiкаў: будуюцца i рэканструююцца бальнiцы, набываецца новае сучаснае абсталяванне. Але няма нiчога важнейшага за таленавiтыя рукi, розум тых людзей, якiя суткамi знаходзяцца каля ложка хворага, даюць нам надзею на жыццё. Таму нiзкi вам паклон i ўдзячнасць, — адрасавала яна цёплыя словы медработнiкам. Спiкер верхняй палаты парламента дадала, што для яе гэтая асаблiвая нагода па ўшанаваннi найлепшых працаўнiкоў галiны аховы здароўя краiны.

Вольга АНУФРЫЕВА

Загаловак у газеце: Гэтыя людзi ў кожнага з нас у сэрцы

Выбар рэдакцыі

Грамадства

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

У адрозненне ад «хімічных антыбіётыкаў», прыродныя лекі не толькі дапамагаюць перамагчы інфекцыю, але і ўмацоўваюць ахоўныя ўласцівасці арганізма.

Калейдаскоп

Усходні гараскоп на наступны тыдзень

Усходні гараскоп на наступны тыдзень

СКАРПІЁН. На гэтым тыдні традыцыйны падыход да вырашэння праблем не заўсёды будзе ўдалы.

Культура

Народная артыстка Беларусі Ніна Шарубіна: Не скупіцеся на добрыя словы!

Народная артыстка Беларусі Ніна Шарубіна: Не скупіцеся на добрыя словы!

Мы правялі ў кампаніі опернай дзівы ўсяго толькі адзін дзень, але так і не змаглі разгадаць яе таямніцу: дзе ж хаваецца ў яе сутках 25-я гадзіна?

Грамадства

Інтэрвальнае галаданне: чаканні і рэальнасць

Інтэрвальнае галаданне: чаканні і рэальнасць

Сваім вопытам з чытачамі «Звязды» дзеліцца вядомая беларуская тэлевядучая Марыя Лемешава