04 снежня, пятніца

Вы тут

Батанічны сад запрашае палюбавацца ружамі і прыняць удзел у інтэрактыўнай прагулцы


Цэнтральны батанічны сад НАН Беларусі запрашае мінчан і гасцей сталіцы з 3 па 12 ліпеня на цвіценне дэкаратыўнай калекцыі руж, паведамілі БЕЛТА ва ўстанове.


Калекцыя руж батанічнага саду з’яўляецца нацыянальным здабыткам краіны. Тут прадстаўлены сарты беларускай, украінскай, французскай, нямецкай і казахскай селекцыі. У гэтым годзе калекцыя папоўнілася аранжавымі і цёмна-фіялетавымі чайна-гібрыднымі ружамі, ёсць і новыя сарты пляцістых руж. Усяго ў калекцыі больш за 300 сартоў.

3-4 ліпеня будзе арганізавана сямейная інтэрактыўная прагулка «Квітнеючы сад». Наведвальнікаў чакаюць займальны марафон, пазнавальныя маршруты для дзяцей і дарослых па самых прыгожых кутках батанічнага саду, класічная музыка ў ружоўніку і шмат іншага.

У батанічным садзе ўлічылі рэкамендацыі Міністэрства аховы здароўя. Таму ўсе заданні будуць выконвацца дыстанцыйна з выкарыстаннем смартфонаў. Для больш камфортнага выканання заданняў маршруты перасякацца не будуць.

Таксама 3 ліпеня адбудзецца «Захапляючы марафон». Ён пачнецца з самай раніцы ў анлайн-фармаце. Кожную гадзіну на старонцы батанічнага саду ў Instagram будуць з’яўляцца новыя эфіры з карыснай інфармацыяй пра ружы, заняткамі для дзяцей і дарослых ёгай, нейрагімнастыкай, зумбай.

Дарэчы, усе наведвальнікі змогуць прыняць удзел у фотамарафоне (з улікам беражлівых адносін да калекцыі руж). Для гэтага неабходна сфатаграфаваць ружы ў батанічным садзе і выкласці ў Instagram з хэштэгам #cbg_minsk. Прыз — букет руж. Уладальніка букета вызначаць у прамым эфіры экалагічнага ток-шоу, якое будзе трансліравацца ў Instagram батанічнага саду @botanicalgardenminsk.

Прэв’ю: cvetok.by

Выбар рэдакцыі

Грамадства

Мiтрапалiт Веньямiн: Нам усiм неабходна прасiць у Бога мудрасцi i разважлiвасцi

Мiтрапалiт Веньямiн: Нам усiм неабходна прасiць у Бога мудрасцi i разважлiвасцi

Патрыяршы экзарх падзялiўся сваiмi думкамi пра асаблiвасцi i сапраўдную небяспеку сённяшняга часу.

Грамадства

Міністр ЖКГ Андрэй Хмель: Спажыўца паслугі трэба пачуць і зразумець

Міністр ЖКГ Андрэй Хмель: Спажыўца паслугі трэба пачуць і зразумець

Аб за­крыц­ці па­лі­го­наў, уплы­ве ка­ра­на­ві­ру­са, за­клі­ках да не­пла­ця­жу за ка­му­наль­ныя па­слу­гі і най­блі­жэй­шых перс­пек­ты­вах.

Грамадства

Ежа як лякарства. Што з'есці, каб стаць здаравейшым?

Ежа як лякарства. Што з'есці, каб стаць здаравейшым?

Мы вырашылі распытаць спецыяліста.  

Грамадства

Што хвалюе педагогаў?

Што хвалюе педагогаў?

​Якія крытэрыі робяць датэрміновую прафесійную пенсію — недасягальнай...