02 снежня, серада

Вы тут

Продаж білетаў на ЧС-2021 па хакеі пачнецца ў верасні


Старт продажу білетаў на чэмпіянат свету па хакеі 2021 года, які пройдзе ў Мінску і Рызе, будзе дадзены ў верасні. Аб гэтым паведаміў старшыня Федэрацыі хакея Беларусі Генадзь Савілаў, перадае БЕЛТА.


«Плануем пачаць продаж білетаў з пачатку верасня. Цяпер гэтым займаемся», — сказаў Генадзь Савілаў.

«Мы задаволены тым, як каманды размеркаваліся па групах на чэмпіянаце свету ў Беларусі і Латвіі. У нашу васьмёрку трапілі менавіта тыя дружыны, гульні якіх хацелі б бачыць у Мінску», — адзначыў ён.

Адказваючы на пытанне аб выніках спартыўнага года для беларускіх хакеістаў, Генадзь Савілаў сказаў, што, нягледзячы на пандэмію каранавіруса, якая ўнесла карэктывы, ён задаволены тым, як ідуць справы ў беларускім хакеі. «Мінулы спартыўны год у хакеі атрымаўся скомканы з-за пандэміі. Мы не атрымалі чэмпіянату свету сярод дарослых, не сталі сведкамі юніёрскага планетарнага першынства ў ЗША, ад якога шмат чаго чакалі, — канстатаваў ён. — Тым не менш, тое, што адбываецца ў плане падрыхтоўкі да чэмпіянату свету-2021 (гаспадарчая і арганізацыйна-спартыўная дзейнасць) нас задавольвае. Ва ўсякім разе, мы ведаем, у якім напрамку трэба рухацца. Гэта датычыцца папулярызацыі хакея. Мы стараемся прыўносіць нешта новае, рухацца ў бок лічбавізацыі. Не забываем і пра спартыўны складнік, таму прадоўжым падтрымку дзіцяча-юнацкіх спартыўных школ, нацыянальных каманд», — дадаў кіраўнік Федэрацыі хакея Беларусі.

Плануецца, што чэмпіянат свету пройдзе ў Мінску і Рызе з 21 мая па 6 чэрвеня 2021 года. Хакеісты зборнай Беларусі згуляюць у групе A з камандамі Расіі, Швецыі, Чэхіі, Швейцарыі, Славакіі, Даніі і Вялікабрытаніі. У групу B трапілі зборныя Канады, Фінляндыі, ЗША, Германіі, Латвіі, Нарвегіі, Італіі і Казахстана. Фінал планетарнага першынства пройдзе 6 чэрвеня ў «Мінск-Арэне».

Прэв’ю: sport-express.ru

Выбар рэдакцыі

Грамадства

Шакаладныя жаданні па-беларуску. Карэспандэнт «Звязды» пабывала на адной з кандытарскіх фабрык краіны

Шакаладныя жаданні па-беларуску. Карэспандэнт «Звязды» пабывала на адной з кандытарскіх фабрык краіны

Каб паглядзець, што тут рыхтуюць да свята і якімі салодкімі навінкамі збіраюцца здзіўляць беларусаў.

Грамадства

Зберагчы дзяцінства, або як сёння змагаюцца з педафіліяй

Зберагчы дзяцінства, або як сёння змагаюцца з педафіліяй

За дзесяць месяцаў бягучага года супрацоўнікі міліцыі выявілі больш за 600 злачынстваў супраць палавой недатыкальнасці або палавой свабоды непаўналетніх.

Грамадства

Школа — прастора для дыялогу. Чаму на тэму булінгу можна і трэба выказвацца ўслых

Школа — прастора для дыялогу. Чаму на тэму булінгу можна і трэба выказвацца ўслых

Рэспубліканскі цэнтр псіхалагічнай дапамогі падрыхтаваў для педагогаў рэкамендацыі па вырашэнні канфліктных сітуацый.

Грамадства

​Што павiнны зрабiць на прадпрыемствах, каб папярэдзiць распаўсюджванне COVID-19

​Што павiнны зрабiць на прадпрыемствах, каб папярэдзiць распаўсюджванне COVID-19

Мiнiстэрства аховы здароўя распрацавала рэкамендацыi па прафiлактыцы каранавiруснай iнфекцыi ў арганiзацыях.