Вы тут

Прэзідэнт: Моц і сілу дзяржавы, непахіснасць яе суверэнітэту вызначае народ


Аляксандр Лукашэнка ўсклаў кветкі да помніка на Плошчы Перамогі


Урачыстае патрыятычнае шэсце з удзелам Прэзідэнта Беларусі Аляксандрам Лукашэнкам распачало святкаванне Дня Незалежнасці ў сталіцы. Калона па традыцыі пачала рух па праспекце Незалежнасці, завяршыўшы яго на плошчы Перамогі.

Прэзідэнт, звяртаючыся з уступным словам да ветэранаў і суачыннікаў, адзначыў, што «ў гады Вялікай Айчыннай вайны беларускі народ зрабіў гістарычны выбар — паставіў сваю свабоду вышэй за жыццё».

На яго думку іншага выбару і не магло быць у нашчадкаў старажытнага моцнага, гордага і незалежнага славянскага народа — «народа, які ніколі і нікога не занявольваў, народа, які сам ніколі не быў рабом».

«Таму непрымірымая барацьба з захопнікамі ішлі на нашай зямлі з першага і да апошняга дня акупацыі. Партызаны, падпольшчыкі, мірныя жыхары, якія дапамагалі ім — мільёны людзей свядома ішлі на смерць, не жадаючы служыць нацыстам», — сказаў кіраўнік краіны.

У шэрагах Мінскага падполля з ворагам змагаліся тысячы чалавек, а сотні герояў Мінскага падполля былі закатаваны ў падвалах СД, расстраляныя і павешаныя.

«І мы не знойдзем у Еўропе іншы такі горад, у якім ва ўмовах вельмі жорсткага акупацыйнага рэжыму дзейнічаў такі масавы рух супраціву», — дадаў Аляксандр Лукашэнка і падкрэсліў, што зараз час, калі павінны мацней гучаць імёны герояў — Івана Кавалёва, Ісая Казінца, Дзмітрыя Караткевіча, Уладзіміра Амельянюка, Івана Кабушкіна.

Прэзідэнт назваў іх сапраўднымі патрыётамі, рэальнымі, нявыдуманнымі героямі.

«Нашы суайчыннікі, якія жылі так мала, але так шмат змаглі зрабіць для Бацькаўшчыны. Разам з імі мы страцілі ў той вайне кожнага трэцяга жыхара краіны. Не стамляюся гэта паўтараць для тых, хто робіць выгляд, што не ведае, якую велізарную цану заплаціў наш народ за жыццё і свабоду будучых пакаленняў, нас з вамі», — нагадаў лідар краіны і заявіў, што Беларусь памятае і воінаў брацкіх рэспублік, якія прынялі апошні бой на нашай зямлі.

Беларусь памятае ўсіх, хто вызваляў ад фашызму Прыбалтыку і Польшчу, Балгарыю і Румынію, Венгрыю і Аўстрыю, Чэхію і Германію і смуткуе аб ветэранах, якіх ужо няма з намі.

Пасля хвіліны маўчання па загінулых Аляксандр Лукашэнка накіраваў асаблівыя словы ўдзячнасці ветэранам, якія цяпер разам з намі: «Вашы бязмежная мужнасць, стойкасць і патрыятызм сталі для нас тым арыенцірам, які дапамагаў і дапамагае трымаць нам любыя ўдары сучаснасці».

Звяртаючыся да суачыннікаў, Прэзідэнт акцэнтаваў увагу, што «мы разам будуем нашу незалежную дзяржаву, ганарымся сваёй гісторыяй і беражом памяць пра гераічнае мінулае».

«Беларусь — міралюбная дзяржава і будзе такой заўсёды. Мы выступаем за дыялог краін і народаў, за ўзаемавыгаднае супрацоўніцтва на раўнапраўнай аснове. Але сучасны свет становіцца ўсё складаней і небяспечней. І сёння многія задаюцца пытаннем: што будзе заўтра? Адказ просты. Наша будучыня залежыць толькі ад нас саміх, — канстатаваў Прэзідэнт. — Моц і сілу дзяржавы, непахіснасць яе суверэнітэту вызначае народ —сваёй працай, адзінствам і адданасцю роднай зямлі».

Па яго словах, мір у краіне залежыць ад памяці народнай — пакуль мы памятаем пра подзвіг і наведваем магілы герояў, будзем жыць у міры.

«Мы сваімі дзеяннямі павінны даказаць — Беларусь памятае», — падкрэсліў Прэзідэнт.

Марыя ДАДАЛКА

Фота БЕЛТА

Выбар рэдакцыі

Культура

Падмурак Трэцяга Рэнесансу закладваецца ва Узбекістане

Падмурак Трэцяга Рэнесансу закладваецца ва Узбекістане

У Ташкенце прайшлі Тыдзень культурнай спадчыны Узбекістана і ІV Міжнародны кангрэс Сусветнага таварыства па вывучэнні, захаванні і папулярызацыі культурнай спадчыны Узбекістана «Культурная спадчына Узбекістана — падмурак новага Рэнесансу».

Грамадства

Елку можна секчы, але нельга спальваць у печы. Чым небяспечныя хвойныя дрэвы і што з імі рабіць, асабліва пасля свят

Елку можна секчы, але нельга спальваць у печы. Чым небяспечныя хвойныя дрэвы і што з імі рабіць, асабліва пасля свят

Елкі, вывезеныя на смеццевыя палігоны, падчас гніення выдзяляюць у асяроддзе шкодныя рэчывы не горш за пластык.

Грамадства

Як вайскоўцы на захопленым нямецкім аўтамабілі прарываліся да партызанаў і выратавалі людзей ад расстрэлу

Як вайскоўцы на захопленым нямецкім аўтамабілі прарываліся да партызанаў і выратавалі людзей ад расстрэлу

Наш даўні сябар — жыхар Вялікай Бераставіцы — Міхаіл Маскальчук даслаў нам чарговы цікавы аповед, які быў запісаны са слоў бацькі Міхаіла, Васіля Маскальчука.

Грамадства

Камфортнае жыллё і спрыяльнае асяроддзе. Аднайменная дзяржпраграма дазволіць павысіць якасць камунальных паслуг і наблізіць да Мэты-99

Камфортнае жыллё і спрыяльнае асяроддзе. Аднайменная дзяржпраграма дазволіць павысіць якасць камунальных паслуг і наблізіць да Мэты-99

Днямі аб праекце профільнай дзяржпраграмы журналістам падчас прэс-прэзентацыі расказаў міністр жыллёва-камунальнай гаспадаркі Андрэй Хмель.