Вы тут

Аўтапарк БДПУ папоўніў турыстычны аўтобус ад Мінскага аўтазавода


Мінскі аўтамабільны завод сабраў турыстычны аўтобус спецыяльна для студэнтаў і выкладчыкаў Беларускага дзяржаўнага педагагічнага ўніверсітэта. Яго салон разлічаны на 44 пасажыры, знайшлося ў ім таксама месца для міні-кухні, прыбіральні і халадзільніка.


Турыстычны МАЗ-251 лічыцца аўтобусам другога пакалення. Яго вылучае сучасны дызайн кузава і святлатэхнікі. Па сваёй канструкцыі і аснашчэнню аўтобус не мае аналагаў у СНД.
Апорны кузаў звараны са сталёвых труб і спецпрофіляў і абліцаваны шклопластыкам, што дазволіла зэканоміць месца, палепшыць цеплаізаляцыю і павысіць даўгавечнасць канструкцый. Пластыкавыя панэлі ашалёўкі ўклеены ў каркас шкла. Прычым у аўтобусе адсутнічаюць профілі накладак на швах.

У турыстычным аўтобусе выкарыстоўваецца рухавік Mercedes-Benz класа Еўра-5 на 360 «коней». Ён ідзе ў пары са шасціступенчатай каробкай перадач ад ZF.

У салоне размясцілі 44 мяккіх крэслы (амаль «раскладанкі») з асобным месцам для гіда. Як і належыць, усярэдзіне працуе магутны кандыцыянер. Для зручнасці аўтобус абсталяваны міні-кухняй, туалетам, халадзільнікам, аўдыё-і відэасістэмамі. Ёсць і ёмісты багажнік — больш чым на 7 «кубаметраў».

«Турыстычны аўтобус прызначаны для далёкіх рэйсаў як унутры краіны, так і за мяжой. Ён адпавядае класу Еўра-5, так што можа свабодна перамяшчацца ў краінах Еўрасаюза. І мы рады, што зараз аўтобус папоўніць аўтапарк педагагічнага універсітэта, а, адпаведна, зможа выкарыстоўвацца для паездак студэнтаў і выкладчыкаў», — адзначаюць у ААТ «МАЗ».

У цырымоніі ўрачыстай перадачы аўтобуса студэнтам і выкладчыкам прынялі ўдзел гендырэктар холдынгу «БелаўтаМАЗ» Валерый Іванковіч і рэктар БДПУ Аляксандр Жук.

Надзея НІКАЛАЕВА

Выбар рэдакцыі

Палітыка

Як галасавалі рэгіёны на выбарах Прэзідэнта

Як галасавалі рэгіёны на выбарах Прэзідэнта

Расказваюць нашы карэспандэнты.

Палітыка

Аляксандр Лукашэнка: Гэта адна з самых складаных выбарчых кампаній

Аляксандр Лукашэнка: Гэта адна з самых складаных выбарчых кампаній

Кіраўнік дзяржавы прагаласаваў на выбарах Прэзідэнта.

Палітыка

У Рэспубліцы Беларусь прайшоў асноўны дзень выбараў Прэзідэнта

У Рэспубліцы Беларусь прайшоў асноўны дзень выбараў Прэзідэнта

Сёлетнія выбары кіраўніка дзяржавы — шостыя па ліку.

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.