На «Беларусь 2» у лiпенi чакаецца прэм'ера новага сезона рэалiцi-шоу «Паненка-сялянка». Яго гераiнi — гэта дзяўчаты з розным дастаткам (адна забяспечаная, а другая — яе поўная супрацьлегласць), i на праекце кожная мае магчымасць паспрабаваць жыць па-iншаму.
Паводле правiлаў праграмы, у кожным выпуску дзве гераiнi прымяраюць на сябе жыццё адна адной. Багатая паненка едзе на тры днi ў сям'ю «сялянкi» i жыве па яе правiлах, распарадку дня i на грошы, пакiнутыя загадзя (альбо i без iх), а другая дзяўчына, наадварот, атрымлiвае шанц убачыць, што значыць быць заможнай — мець iншае асяроддзе, працаваць у сваё задавальненне i не лiчыць кожную капейку. Потым у фiнале гераiнi сустрэнуцца i падзеляцца сваiмi ўражаннямi, назiраннямi i высновамi.
Па задуме аўтараў шоу, такiя перамены ў жыццi гераiнь дапамогуць iм пераасэнсаваць тое, што яны маюць цяпер, i зразумець, куды iм варта рухацца ў перспектыве. Сачыце ў тэлепраграме за датай прэм'ернага выпуску ў эфiры «Беларусь 2».
Алена ДРАПКО
Прэв’ю: tostpost.com
Як мы бярозавік куплялі на гандлёвай пляцоўцы лясгаса і ў лясніцтве
Творчая вечарына народнага артыста Беларусі прайшла ў адной з мінскіх гімназій.