Вы тут

Лукашэнка — Грэфу: Буду толькі рады вітаць вас у фінанасаванні большых аб’ёмаў нашай эканомікі


Прэзідэнт Беларусі Аляксандр Лукашэнка сёння ўвечары ў Палацы Незалежнасці сустрэўся са старшынём Праўлення Ашчадбанка Расіі Германам Грэфам.


«Сёння, у такі яркі дзень — Дзень Незалежнасці, мне вельмі прыемна вас бачыць у Мінску як чалавека, неабыякавага да развіцця Беларусі, — звярнуўся кіраўнік дзяржавы да госця. — Я вельмі часта думаю пра нашы адносіны і пачынаю задаваць сябе пытанне: як магло так здарыцца, што людзі з адносна рознымі не палітычнымі нават, хутчэй эканамічнымі поглядамі могуць вось так блізка сысціся і нават сябраваць».

Аляксандр Лукашэнка прызнаўся, што рады такім адносінам, а ў святле банкаўскага пытання пачынае «супастаўляць і параўноўваць». 

«Нядаўна публічна сказаў пра гэта: ёсць жа ў нас расійскія банкі, якія сумленна працуюць. Я бачу Ашчадбанк Расіі, які прыйшоў у краіну. Вельмі шмат у нас праектаў з’явілася на наступную пяцігодку... Мы хочам, як у савецкія часы, скласці пералік інавацыйных аб’ектаў, якія павінны ўвесці ў новай пяцігодцы, і абавязкова дамовіцца пра фінансаванне, каб яны не пераўтварыліся ў даўгабуд, — расказаў беларускі лідар. — Я хацеў бы з вамі абмеркаваць шэраг гэтых праектаў. Калі Ашчадбанк гатовы ўдзельнічаць у гэтай вялікай справе, буду толькі рады вітаць вас тут у фінанасаванні большых аб’ёмаў нашай эканомікі». 

На сустрэчы зайшла гутарка і пра падарунак ад расійскага фінансавага інстытута сталіцы Беларусі — колерамузычны адукацыйны фантан.

«Гэта сапраўды ўпрыгажэнне нашай Беларусі. Я вам за гэта вельмі ўдзячны», — сказаў Прэзідэнт.

Герман Грэф адказаў, што гэта сапраўды інавацыйны фантан, які Ашчадбанк будаваў упершыню.

«Мы падарылі многім расійскім гарадам фантаны на плошчах, але ніколі не будавалі фантаны на вадзе, — патлумачыў ён. — І атрымаўся ён грандыёзны, як нам падаецца. Я таксама паглядзеў, пакуль толькі на запісе. Вельмі хочацца ўбачыць, як гэта будзе сёння жыўцом. І мне здаецца, што гэта сапраўды будзе ад нас з вамі падарунак жыхарам Мінска і рэспублікі». 

Даведка «Звязды»:

Публічнае акцыянернае таварыства «Ашчадбанк» — найбуйнейшы банк у Расіі і адзін з вядучых глабальных фінансавых інстытутаў. 

Асноўным акцыянерам ПАТ «Ашчадбанк» з’яўляецца Расійская Федэрацыя ў асобе Міністэрства фінансаў Расійскай Федэрацыі, якая валодае 50 % статутнага капіталу ПАТ «Ашчадбанк» плюс 1 голас акцыя. Астатнімі акцыямі валодаюць расійскія і міжнародныя інвестары.

Банк мае самую шырокую філіяльную сетку ў Расіі: больш за 14 тысяч кропак абслугоўвання. Паслугамі Ашчадбанка карыстаюцца кліенты ў 17 краінах свету. Замежная сетка банка складаецца з даччыных банкаў, філіялаў і прадстаўніцтваў у краінах СНД, Цэнтральнай і Усходняй Еўропы, Германіі, Індыі, Кітаі і іншых краінах.

У Беларусі даччыны банк Ашчадбанка — «БПС-Ашчадбанк», які ўваходзіць у Топ-5 па памеры актываў сярод беларускіх банкаў. Чысты прыбытак «БПС-Ашчадбанка» па выніках 2019 года склаў 107,2 млн. рублёў пры рэнтабельнасці капіталу ў 15,8 %. 

Вольга МЯДЗВЕДЗЕВА

Выбар рэдакцыі

Грамадства

Што мяняецца з 1 снежня

Што мяняецца з 1 снежня

Вырасце памер пенсiй: па ўзросце, за выслугу гадоў, па iнвалiднасцi, з прычыны страты кармiцеля. 

Грамадства

​Што павiнны зрабiць на прадпрыемствах, каб папярэдзiць распаўсюджванне COVID-19

​Што павiнны зрабiць на прадпрыемствах, каб папярэдзiць распаўсюджванне COVID-19

Мiнiстэрства аховы здароўя распрацавала рэкамендацыi па прафiлактыцы каранавiруснай iнфекцыi ў арганiзацыях.

Грамадства

Бонусы для альтруiстаў могуць быць прадугледжаны законам аб валанцёрскай дзейнасцi

Бонусы для альтруiстаў могуць быць прадугледжаны законам аб валанцёрскай дзейнасцi

Пра гэтыя i iншыя прапановы ў законапраект аб валанцёрскай дзейнасцi разважалi эксперты падчас круглага стала.

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава.