Вы тут

Штотыднёвы спартыўны агляд «Звязды»


Хакейнае «Дынама» разлiчылася з гульцамi i прыступае рыхтавацца да новага сезона. Пра гэтыя ды iншыя навiны спорту расказваем у штотыднёвым аглядзе «Звязды».


1. Хакейны клуб «Дынама–Мiнск» цалкам разлiчыўся па запазычанасцях перад хакеiстамi. Сiтуацыю з фiнансамi ў клубе пракаментаваў генеральны дырэктар «Дынама–Мiнск» Дзмiтрый Баскаў:

«Для нас вельмi важна было ўвайсцi ў новы сезон без запазычанасцяў, i цяпер у мяне ёсць упэўненасць, што так i будзе. Клуб пацвердзiў свой статус надзейнага партнёра, якi трымае слова i няўхiльна выконвае ўсе абяцаннi. У нас яшчэ засталiся нязначныя запазычанасцi перад падрадчыкамi i пастаўшчыкамi, якiя паступова закрываем, i ў найблiжэйшы час выплацiм усё да капейкi. Не ўтаю, што i цяпер у «Дынама» няма залатых гор, але мiнiмальныя патрабаваннi КХЛ мы будзем гатовыя выканаць. Беларусь захавала свайго прадстаўнiка ў наймацнейшай лiзе Еўропы, значыць, айчынны хакей працягне паступальна развiвацца, што асаблiва важна напярэдаднi дамашняга чэмпiянату свету», — сказаў гендырэктар. Склад каманды будзе канчаткова сфармiраваны, «Дынама» прыступiць да падрыхтоўкi, план якой сумесна з трэнерскiм штабам распрацаваны i зацверджаны. «Упэўнены, што ў нас атрымаецца стварыць канкурэнтаздольны калектыў i пры гэтым не адступiць ад абранай раней стратэгii развiцця клуба, якая прадугледжвае стаўку на маладых, таленавiтых беларускiх гульцоў. Мы бачым закладзены ў iх патэнцыял i гатовыя яго раскрыць».

2. У футбольным чэмпiянаце Беларусi завяршылася праграма 16-га тура. Футбалiсты «Мiнска» на полi сталiчнага стадыёна «Трактар» згулялi ўнiчыю з аўтсайдарам турнiру бабруйскай «Белшынай» — 2:2. «Тарпеда–БелАЗ» саступiў салiгорскаму «Шахцёру» — 1:4, а ў Брэсце «Рух» перайграў мiнскае «Дынама» — 1:0.

Вынiкi астатнiх сустрэч 16-га тура: БАТЭ (Барысаў) — «Энергетык–БДУ» (Мiнск) — 0:1, «Гарадзея» —
«Вiцебск» — 2:2, «Славiя» (Мазыр) — «Слуцк» — 3:1, «Смалявiчы» — «Дынама» (Брэст) — 3:3, «Нёман» (Гродна) — «Iслач» (Мiнскi раён) — 1:0.

Турнiрнае становiшча: БАТЭ (Барысаў) — 30 ачкоў (16 матчаў), «Нёман» — 29 (15), «Энергетык–БДУ» — 29 (16), «Шахцёр» (Салiгорск) — 27 (15), «Тарпеда–БелАЗ» — 26 (15), «Дынама» (Брэст) — 26 (16), «Дынама» (Мiнск) — 23 (15), «Iслач» (Мiнскi раён) — 23 (16), «Вiцебск» — 22 (16), «Славiя» — 21 (16), «Рух» (Брэст) — 19 (15), «Слуцк» — 18 (16), «Гарадзея» — 16 (16), «Мiнск» — 15 (14 ), «Смалявiчы» — 11 (15), «Белшына» (Бабруйск) — 7 (16).

Бамбардзiрскую гонку ўзначальвае ўзбекскi нападаючы «Энергетыка–БДУ» Джасурбек Яхшыбоеў, якi забiў дзевяць мячоў.

Адзначым таксама, што настаўнiк гродзенскага «Нёмана» Iгар Кавалевiч прызнаны найлепшым трэнерам футбольнага чэмпiянату Беларусi ў чэрвенi. Такi вынiк традыцыйнага галасавання журналiстаў вядучых беларускiх СМI, якi праводзiцца асацыяцыяй «Беларуская федэрацыя футбола». У першы летнi месяц падапечныя Iгара Кавалевiча атрымалi чатыры вiкторыi ў чатырох праведзеных матчах, забiўшы сем мячоў i прапусцiўшы толькi адзiн. Пачынаючы з 21 мая футбалiсты «Нёмана» выйгралi ўсе сем праведзеных паядынкаў.

3. Экс-гулец зборнай Беларусi па валейболе Станiслаў Салiкаў афiцыйна ўзначалiў «Мiнчанку», змянiўшы на пасадзе галоўнага трэнера Вiктара Ганчарова.

Настаўнiк ужо прыбыў у Мiнск, i неўзабаве каманда пад яго кiраўнiцтвам пачне перадсезонную падрыхтоўку. Вядомы беларускi спецыялiст Станiслаў Салiкаў пасля завяршэння спартыўнай кар'еры ўваходзiў у трэнерскi штаб жаночай зборнай Беларусi, затым працаваў у трэнерскiм штабе краснадарскага «Дынама» пад кiраўнiцтвам Канстанцiна Ушакова. Быў задзейнiчаны ў структуры клуба «Уралачка–НТМК», працаваў асiстэнтам знакамiтага настаўнiка Мiкалая Карпаля. Мiнулы сезон ён правёў у якасцi настаўнiка маладзёжнай каманды са Свярдлоўскай вобласцi, якая выступала ў Вышэйшай лiзе А чэмпiянату Расii.

Дар'я ЛАБАЖЭВIЧ

Загаловак у газеце: Стаўка на маладых i таленавiтых

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.