Вы тут

Кавалер Ордэна Францыска Скарыны, настаўнік Міхаіл Волкаў: Цаніць тое, што маем!


Міхаіл ВОЛКАЎ, кавалер Ордэна Францыска Скарыны, настаўнік матэматыкі гімназіі № 8 Віцебска, Заслужаны работнік народнай адукацыі Рэспублікі Беларусь, «Чалавек года Віцебшчыны»:


«Наконт вулічных акцый, упэўнены, што ў іх не трэба браць удзел. Бо яны — дамоўныя, фінансуюцца з-за мяжы. Заўважаю, што наша апазіцыя ў тым ліку і на вуліцах, плошчах пачынае актыўна працаваць падчас чарговай палітычнай кампаніі. А потым гэтых людзей, як мовяць, не чутна і не бачна...

Уражанне такое: вулічныя акцыі камусьці выгадныя. Народ збіраюць, асабліва цікавяцца ўдзелам у пратэстах моладзі. А потым завадатарызілы ў кусты...

Так, у Беларусі праблемы ёсць. І гэта не ўтойваецца на ўзроўні кіраўніцтва краіны. Але, паглядзіце, што адбываецца ў ЗША, іншых параўнальна паспяховых краінах у эканамічным плане, Еўрапейскім Саюзе. Упэўнены, пераважная большасць суграмадзян не хацелі б гэтага ў нас. А пра ўкраінскія нюансы жыцця, ведаю не па паведамленнях інфармацыйных парталаў, сюжэтах тэлебачання, а там, на захадзе ў мяне жывуць брат і сястра.

У нас спакойна і стабільна. Што тычыцца выплат заробкаў і пенсій — як правіла, без затрымак. Так, ёсць шмат праблем аб’ектыўных, якія не дазваляюць нам павысіць узровень жыцця, напрыклад каранавірус. А з боку некаторых дзеячаў апазіцыі чуем абяцанні ў разы нам павысіць пенсіі і заробкі. Гэта — натуральны падман, бо, каб павысіць грашовыя выплаты, трэба спачатку зарабіць сродкі на іх.

Беларусам ёсць чым ганарыцца. Я, як педагог са стажам больш за сорак гадоў, магу канстатаваць, што наша сістэма адукацыі адна з самых лепшых у свеце. У рэспубліцы праводзіцца вялікія праца з адоранымі і высока матываванымі дзецьмі. Распрацаваныя і ўкараненыя тры кірункі дзейнасці з такім вучнямі.

І ў гэтым пытанні магу адзначыць тры важныя кірункі: алімпіядны рух, інтэлектуальныя гульні і навукова-даследчая дзейнасць. Працэс каардынуецца міністэрствам адукацыі і акадэміяй паслядыпломнай адукацыі. І ў гэтым бяруць удзел БДУ, рэгіянальныя ВНУ... Мы стабільна паказваем добрыя вынікі на міжнародных спаборніцтвах.

У нас вядзецца добрая дзейнасць па прасоўванню таленавітых дзяцей і падлеткаў, створана адпаведная база дадзеных.

Нам трэба цаніць тое, што маем. Я і пра тое, што развіццё ідзе, напрыклад, на маёй малой Радзіме ў Оршы. Гэта на сёння вельмі ўтульны і прыгожы горад, куды прыемна прыязджаць і прывозіць гасцей».

Выбар рэдакцыі

Грамадства

Міністр ЖКГ Андрэй Хмель: Спажыўца паслугі трэба пачуць і зразумець

Міністр ЖКГ Андрэй Хмель: Спажыўца паслугі трэба пачуць і зразумець

Аб за­крыц­ці па­лі­го­наў, уплы­ве ка­ра­на­ві­ру­са, за­клі­ках да не­пла­ця­жу за ка­му­наль­ныя па­слу­гі і най­блі­жэй­шых перс­пек­ты­вах.

Грамадства

Ежа як лякарства. Што з'есці, каб стаць здаравейшым?

Ежа як лякарства. Што з'есці, каб стаць здаравейшым?

Мы вырашылі распытаць спецыяліста.  

Грамадства

Каханне за грошы ў БССР у часы НЭПа

Каханне за грошы ў БССР у часы НЭПа

Сярод прыхільнікаў тэорыі вольнага кахання было шмат высокапастаўленых бальшавікоў і бальшавічак.

Грамадства

У Гродне завяршаецца першы этап рэстаўрацыi Старога замка

У Гродне завяршаецца першы этап рэстаўрацыi Старога замка

Стары замак нiколi не меў завершанага выгляду. Яго неаднаразова аднаўлялi i рэканструявалi, таму яго архiтэктура ўтрымлiвае ў сабе стылi некалькiх эпох.