Больш за 150 прасаў розных гадоў прадставяць на выставе ў Віцебску

У Віцебску ў Музеі гісторыі прыватнага калекцыянавання 8 ліпеня адкрыюць выставу «Музей праса», паведамілі БЕЛТА ва ўстанове.

Гасцям пакажуць больш за 150 эксклюзіўных прасаў. Гэта суцэльналітыя, прасы на вуглях, на спірце, на пары і газе, а таксама электрычныя. «Выстава дапаможа не толькі пашырыць кругагляд, але і зірнуць на такі побытавы прадмет, як прас, з іншага боку», — адзначылі ў музеі.

Выстава будзе працаваць па 1 лістапада.

«Музей праса» — сумесны выставачны праект УП «Мінгардаведка» і Музея гісторыі прыватнага калекцыянавання. Калекцыя мінскага музея ўпершыню экспануецца ў абласным цэнтры.

Прэв’ю: tripadvisor.com