Вы тут

У Ляхавічах адкрылі экспазіцыю архітэктурных макетаў пад адкрытым небам


Экспазіцыю архітэктурных макетаў пад адкрытым небам «З глыбіні стагоддзяў» адкрылі ў Ляхавічах, паведаміла БЕЛТА галоўны спецыяліст райвыканкама Таццяна Шчука.


Міні-музей размясціўся на ўездзе ў райцэнтр, у гарадской зоне адпачынку на беразе рэчкі Ведзьма. Тут прадстаўлены макеты 14 архітэктурных славутасцей Ляхавіцкага раёна, шэсць з якіх унесены ў Дзяржаўны спіс гісторыка-культурных каштоўнасцяў Беларусі. Работы выкананы з вільгацятрывалых матэрыялаў — пенаплексу, дрэва, жалеза, пластыку. Аўтары мініяцюр — педагогі і навучэнцы ўстаноў адукацыі горада і раёна.

«Раённы конкурс архітэктурных макетаў быў абвешчаны для павышэння цікавасці да мінулага і сучаснасці сваёй малой радзімы, прыцягнення ўвагі гасцей і турыстаў. Хацелася, каб як мага больш людзей убачылі і даведаліся, чым славіцца Ляхавіцкі край. У выніку ў нас з’явілася мясцовая славутасць, па якой можна планаваць новы турыстычны маршрут», - адзначыла Таццяна Шчука.

Конкурс праводзіўся па чатырох намінацыях — «Страчаная спадчына», «Палацава-паркавыя ансамблі», «Культавыя збудаванні. Праваслаўныя храмы», «Культавыя збудаванні. Каталіцкія храмы». Наведвальнікі могуць убачыць у мініяцюры сядзібы Рэйтанаў, Чарноцкіх, Бохвіцаў, Абуховічаў, палюбавацца Святадухаўскай царквой у аграгарадку Падлессе. Самым вялікім (2,8 м на 2,2 м) аказаўся макет сядзібы Навіцкіх у в.Савейкі. Самым маленькім (1 м на 1,2 м) — выява касцёла святых Пятра і Паўла ў вёсцы Мядзведзічы. Кожны аб’ект забяспечаны QR-кодам, па якім можна знайсці больш падрабязную інфармацыю.

Выбар рэдакцыі

Эканоміка

Маладых спецыялістаў у сельскай гаспадарцы вабяць не толькі жыллё і зарплата

Маладых спецыялістаў у сельскай гаспадарцы вабяць не толькі жыллё і зарплата

У сельгаскааператыве «Ніва-2003» Гродзенскага раёна цяпер працуе ажно 11 маладых спецыялістаў. 

Грамадства

Як працуюць маладыя спецыялісты ў Гарадоцкім раёне

Як працуюць маладыя спецыялісты ў Гарадоцкім раёне

Райцэнтр Гарадок знаходзіцца прыкладна за трыццаць кіламетраў ад Віцебска, недалёка — мяжа з Расіяй. Як там сёння з кадравым пытаннем?

У свеце

Барацьба з эпiдэмiяй у Пекiне: адлюстраванне ўзроўню мунiцыпальнага кiравання

Барацьба з эпiдэмiяй у Пекiне: адлюстраванне ўзроўню мунiцыпальнага кiравання

Да Кiтая ўвага ўсёй сусветнай супольнасцi прыкавана з розных прычын.

Грамадства

Кампазiтар Алег Елiсеенкаў: У нас з жонкай усё агульнае — i радасцi, i нягоды, i грошы

Кампазiтар Алег Елiсеенкаў: У нас з жонкай усё агульнае — i радасцi, i нягоды, i грошы

Са сваёй жонкай аўтар папулярных песень знаёмы амаль паўстагоддзя.