Вы тут

У панядзелак паўднёвую частку Брэстчыны накрыў ураган


У другой палове дня ў панядзелак на Беларусь прыйшоў актыўны атмасферны фронт. Паўднёвую частку Брэстчыны лiтаральна накрыў ураган. Вецер здзiраў стрэхi, ламаў дрэвы, адключаў электразабеспячэнне.


Эпiцэнтр стыхii прыйшоўся недзе на паўднёвы прыгарад абласнога цэнтра. Дарогi ў напрамку Тамашоўкi, Знаменкi, а таксама Маларыты былi лiтаральна заваленыя дрэвамi. Супрацоўнiкi ляснiцтваў i МНС, дарожнiкi распiлоўвалi iх ноччу, каб да ранiцы забяспечыць праезд. У раёне вёскi Гусак у Маларыцкiм раёне вецер спляжыў участак лесу, дрэвы ламалiся нiбы запалкi, цяпер на іх месцы толькi пакарабачаныя камлi.

У абласным цэнтры таксама паламала нямала дрэў. Напрыклад, побач з суседнiм пад'ездам нашага дома па вулiцы Луцкай ранiцай стаяла чырвоная «Шкода», «змятая» аграмадным дрэвам. Машына, як сведчыць нумарны знак, 7-га рэгiёна. Вось так бывае: прыехаў чалавек у госцi — i такая няўдача напаткала. Спецыялiсты кажуць, нельга ставiць машыны паблiзу дрэў, а дзе iх ставiць, калi іншых месцаў няма?.. Пазней стала вядома, што побач з названай пацярпелi i іншыя машыны, але яны атрымалi меншыя пашкоджаннi.

Як паведамiлi ў абласным упраўленнi МНС, у вынiку праходжання навальнiчнага фронту на тэрыторыi вобласцi адбылося адключэнне электраэнергii ў трох раёнах — Брэсцкiм, Кобрынскiм i Маларыцкiм. Без электрычнасцi засталiся 34 населеныя пункты, 14 МТФ, два дзiцячыя аздараўленчыя лагеры. У летнiках электрычнасць аднавiлi за дзве гадзiны, на аб'ектах сельгасвытворчасцi — у асноўным да ранiцы.

Паводле папярэднiх звестак, пашкоджаны дахi ў сямі жылых дамах i адным аб'екце сацкультбыту ў Маларыцкiм раёне, у трох жылых дамах у Кобрынскiм раёне. Паведамленняў аб пацярпелых людзях не паступала. Аварыйна-аднаўленчыя работы працягваюцца.

Як зазначылi ў ДВА «Белэнерга», за суткi ў краiне парушалася ўстойлiвае энергазабеспячэнне 140 населеных пунктаў. За ноч у 90 % iх энергетыкi вярнулi падачу электрычнасцi. Часова без святла заставалiся два дзiцячыя лагеры ў Маларыцкiм i Кобрынскiм раёнах, а таксама птушкафабрыка.

Непагадзь зачапiла i Мiнск. Па звестках дзяржаўнага прадпрыемства «Мiнсктранс», апоўначы з-за ўмоў надвор'я быў спынены рух тралейбусаў на бульвары Шаўчэнкi. Затрымка транспарту склала 23 хвiлiны.

Паводле iнфармацыi Рэспублiканскага цэнтра па гiдраметэаралогii, кантролi радыеактыўнага забруджвання i манiторынгу навакольнага асяроддзя Мiнпрыроды, больш за ўсё ападкаў за вечар панядзелка i ў ноч на аўторак выпала ў Слуцку — 52 мiлi-
метры. На другiм месцы — Вiцебск, там таксама прайшоў моцны дождж, але ападкаў было менш — 45 мiлiметраў. А вось на пацярпелай ад ветру Брэстчыне вады вылiлася яшчэ меней — 39 мiлiметраў у Пiнску i 35 — у Ганцавiчах. Зрэшты, гэта на 30 % перавышае дэкадную норму для лiпеня.

Святлана ЯСКЕВIЧ, Валяр'ян ШКЛЕННIК

Прэв’ю: brest.mchs.gov.by

Выбар рэдакцыі

Грамадства

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

У адрозненне ад «хімічных антыбіётыкаў», прыродныя лекі не толькі дапамагаюць перамагчы інфекцыю, але і ўмацоўваюць ахоўныя ўласцівасці арганізма.

Калейдаскоп

Усходні гараскоп на наступны тыдзень

Усходні гараскоп на наступны тыдзень

СКАРПІЁН. На гэтым тыдні традыцыйны падыход да вырашэння праблем не заўсёды будзе ўдалы.

Культура

Народная артыстка Беларусі Ніна Шарубіна: Не скупіцеся на добрыя словы!

Народная артыстка Беларусі Ніна Шарубіна: Не скупіцеся на добрыя словы!

Мы правялі ў кампаніі опернай дзівы ўсяго толькі адзін дзень, але так і не змаглі разгадаць яе таямніцу: дзе ж хаваецца ў яе сутках 25-я гадзіна?

Грамадства

Інтэрвальнае галаданне: чаканні і рэальнасць

Інтэрвальнае галаданне: чаканні і рэальнасць

Сваім вопытам з чытачамі «Звязды» дзеліцца вядомая беларуская тэлевядучая Марыя Лемешава