Свята беларускай мовы і культуры пройдзе ў парку гісторыі «Сула»

Парк гісторыі «Каралеўская асамблея Сула» запрашае дзяцей і дарослых на свята беларускай мовы і культуры «У роднай мовы роднае карэнне», якое адбудзецца 11 ліпеня, паведамілі арганізатары.

Гасцей чакаюць:

• Гульні — забавы з дарослымі і дзеткамі:
• Беларуская музыка. Шмат песень выканае славуты беларускі калектыў «Вербіца»;
• Майстар-клас па народных танцах ды гульнях;
• Досціпы ды забаўкі, кемікі ды інтэрактывы па-беларуску;
• Паэтычны дыспут.
• У праграме заяўлены і двубоі па-беларуску: не пістоляй, а мовай.

Падрабязная праграма мерапрыемства – у афіцыйным Інстаграме парка.