Вы тут

Якiя меры рэалiзуюцца сёння па стабiлiзацыi эканамiчнай сiтуацыi ў краiне


І якiя гэта прыносiць вынiкi.

Пра тое, якiя меры рэалiзуюцца сёння па стабiлiзацыi эканамiчнай сiтуацыi ў краiне i якiя гэта прыносiць вынiкi, «МС» распытала старшыню Пастаяннай камiсii Савета Рэспублiкi па эканомiцы, бюджэце i фiнансах Таццяну РУНЕЦ.


— Мы даручылi кожнаму сенатару вывучыць сiтуацыю ў рэгiёне, i я была прыемна ўражана, калi на пасяджэннi нашай профiльнай камiсii, якое прайшло ў фармаце вiдэаканферэнцыi, яны паведамiлi, якую вялiкую ўвагу ўдзялiлi гэтай тэме ў кожным рэгiёне, — падкрэслiла сенатар.

Трэба сказаць, што льготамi i прэферэнцыямi ў першую чаргу можна скарыстацца згодна з Указам Прэзiдэнта № 143 «Аб падтрымцы эканомiкi», i гаворка iдзе пра дзевяць галiн дзейнасцi, якiя пацярпелi ад наступстваў пандэмii.

— Кожны рэгiён скарыстаўся гэтым указам, — адзначыла суразмоўнiца. — Канешне, на ўзроўнi вобласцi сума i колькасць атрымалiся большыя, на ўзроўнi раённага цэнтра — меншыя.

Як паведамiла Таццяна Рунец, у аблвыканкамы i Мiнскi гарвыканкам было пададзена 2929 зваротаў (напэўна, на гэты час колькасць ужо вырасла. — «МС») аб дачы адпаведных iльгот i прэферэнцый згодна з артыкулам 2 гэтага ўказа. Па вынiках iх разгляду былi прыняты станоўчыя рашэннi па 180 зваротах, агульная сума дадзеных iльгот i прэферэнцый склала 9 мiльёнаў рублёў.

Акрамя таго, згодна з артыкулам 6 дакумента было накiравана 2850 зваротаў на прадстаўленне адтэрмiновак па аплаце арэнднай платы за карыстанне нерухомай маёмасцю.

Мясцовымi Саветамi дэпутатаў — у прыватнасцi, абласнога ўзроўню — прымалiся рашэннi па змяншэннi ў два разы ставак адзiнага падатку для iндывiдуальных прадпрымальнiкаў i iншых фiзiчных асоб у II i III кварталах бягучага года. Выключэнне ў гэтым спiсе — толькi Гомельскi абласны i Мiнскi гарадскi Саветы дэпутатаў. Мiж iншым, меры, якiя былi прынятыя ў сталiцы ў сувязi з наступствамi пандэмii, разгледзелi на мiнулай сесii. Больш падрабязна пра гэта ў матэрыяле «Падыход — iндывiдуальны».

Як справядлiва ўпэўнена Таццяна Рунец, разглядаць меры, якiя дзяржава прымае па падтрымцы эканомiкi, трэба ў комплексе прынятых нарматыўных актаў, i гэта не толькi згаданы 143-i ўказ. Гаворка iдзе пра шэсць (!) дакументаў такога кшталту.

Так, напрыклад, Указ Прэзiдэнта № 141 «Аб выплаце часткi прыбытку» дае гаспадарчым таварыствам растэрмiноўку па пералiчэннi дывiдэндаў у бюджэт па вынiках работы за 2019 год.

— Дывiдэнды трэба пералiчыць да снежня, а не так, як было раней, — адразу па вынiках квартала, — тлумачыць суразмоўнiца. — Гэта дае магчымасць захаваць грашовыя сродкi ў распараджэннi арганiзацый, забяспечыць iх фiнансавую ўстойлiвасць.

З яе пункту гледжання гэта таксама з'яўляецца мерай па падтрымцы эканомiкi. Дарэчы, скарыстацца магчымасцямi ўказа № 141 могуць усе гаспадарчыя таварыствы.

Далей можна весцi гаворку пра рэалiзацыю Указа Прэзiдэнта № 159 «Аб пераразлiку кошту актываў i абавязацельстваў».

— Указ датычыцца курсавых рознiц i амартызацыi. Канешне, многiя прадпрыемствы кажуць, што ўказ, па сутнасцi, адклаў час аплаты курсавых рознiц. Але, тым не менш, у цяперашнi час ён таксама дапамог, — упэўнена Таццяна Рунец.

Указ Прэзiдэнта № 172 «Аб працягу тэрмiну дзеяння дакументаў» таксама апасродкавана можна аднесцi да мер падтрымкi.

Нарэшце, Указ № 178 «Аб часовых мерах па дзяржаўнай падтрымцы наймальнiкаў i асобных катэгорый грамадзян» датычыцца субсiдый за кошт сродкаў фонду сацыяльнай абароны насельнiцтва для ажыццяўлення даплат работнiкам, якiя не працуюць у перыяд з 1 да 31 лiпеня цi працуюць па iнiцыятыве наймальнiка ў рэжыме няпоўнай занятасцi, да велiчынi мiнiмальнага заробку. Цi ж гэта не падтрымка?!

Трэба сказаць, што кансультацыi па пытаннях прымянення гэтага ўказа атрымалi больш за 420 наймальнiкаў, 44 арганiзацыi ўжо падалi заявы на атрыманне гэтай падтрымкi ад дзяржавы. Па 14 з iх выканкамы прынялi рашэннi: дзевяцi ў найблiжэйшы час пералiчаць запрошаныя сумы, каб арганiзацыi аператыўна забяспечылi выплату даплат сваiм работнiкам. Пяцi арганiзацыям адмоўлена ў субсiдыях па аб'ектыўных прычынах.

Акрамя таго, згодна з артыкулам 2 гэтага дакумента больш за пяць тысяч грамадзян ужо атрымалi дадатковую матэрыяльную падтрымку праз дзяржаўную адрасную сацыяльную дапамогу.

I завяршае спiс нарматыўных дакументаў, накiраваных на абарону эканомiкi ад наступстваў пандэмii, Указ Прэзiдэнта № 179 «Аб аплаце працы».

— Гэта даплаты работнiкам бюджэтных арганiзацый, у якiх быў страчаны прыбытак ад пазабюджэтнай дзейнасцi. Гэта таксама падтрымка, — тлумачыць старшыня профiльнай камiсii Савета Рэспублiкi.

На думку суразмоўнiцы, падвесцi прамежкавы вынiк цяпер можна па рэалiзацыi ўказа № 143, астатнiя носяць больш доўгатэрмiновы характар.

Даведка «МС»

Кожны негатыўны факт, звязаны з нясвоечасовай выплатай заробку, знаходзiцца на кантролi Дэпартамента дзяржаўнай iнспекцыi працы. За пяць месяцаў прыцягнута да адмiнiстрацыйнай адказнасцi ў выглядзе штрафаў 838 арганiзацый i 800 службовых асоб.

Вольга АНУФРЫЕВА

Загаловак у газеце: Падтрымка аказваецца на некалькiх узроўнях

Выбар рэдакцыі

Грамадства

Што мяняецца з 1 снежня

Што мяняецца з 1 снежня

Вырасце памер пенсiй: па ўзросце, за выслугу гадоў, па iнвалiднасцi, з прычыны страты кармiцеля. 

Грамадства

​Што павiнны зрабiць на прадпрыемствах, каб папярэдзiць распаўсюджванне COVID-19

​Што павiнны зрабiць на прадпрыемствах, каб папярэдзiць распаўсюджванне COVID-19

Мiнiстэрства аховы здароўя распрацавала рэкамендацыi па прафiлактыцы каранавiруснай iнфекцыi ў арганiзацыях.

Грамадства

Бонусы для альтруiстаў могуць быць прадугледжаны законам аб валанцёрскай дзейнасцi

Бонусы для альтруiстаў могуць быць прадугледжаны законам аб валанцёрскай дзейнасцi

Пра гэтыя i iншыя прапановы ў законапраект аб валанцёрскай дзейнасцi разважалi эксперты падчас круглага стала.

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава.