Вы тут

Як выконваецца Указ № 143 «Аб падтрымцы эканомiкi»


Тэма эканомiкi на сесii Мiнскага гарадскога Савета дэпутатаў гучала, так бы мовiць, на поўны голас i ў розных вымярэннях. Былi разгледжаны змены ў бюджэт i iнвестыцыйную праграму сталiцы на 2020 год. Дэпутаты таксама прааналiзавалi ход рэалiзацыi рашэння Мiнгарсавета дэпутатаў аб падаткаабкладаннi, абмеркавалi iншыя пытаннi. Iшла размова i пра выкананне вядомага Указа № 143 «Аб падтрымцы эканомiкi». Гэты дакумент прадугледжвае меры дапамогi суб'ектам гаспадарання асобных галiн эканомiкi, якiя найбольш пацярпелi ад пандэмii.


Старшыня камiтэта эканомiкi Мiнгарвыканкама Уладзiмiр Навумовiч агучыў асобныя лiчбы i прыклады з такой практыкi гарадскiх улад. Да iх звярнулiся па падтрымку 1917 суб'ектаў гаспадарання, з якiх ужо больш за 1300 атрымала льготы па падатках i арэнднай плаце прыблiзна на 20 мiльёнаў рублёў. Уладзiмiр Навумовiч адзначыў, што гарадскiя ўлады вырашылi ўдвая знiзiць сумы падатку на нерухомасць i зямельнага падатку, вызначылi вiды дзейнасцi, якiя атрымаюць адпаведныя прэферэнцыi. Прадпрыемствы могуць падаваць удакладненыя дэкларацыi ў раённыя падатковыя iнспекцыi.

Па звестках старшынi, такой падтрымкай скарысталiся 115 суб'ектаў на суму 4,6 мiльёна рублёў. Сярод iх 40 арганiзацый рэспублiканскай формы ўласнасцi, 30 — камунальнай i 45 — без ведамаснай падпарадкаванасцi. Па 68 заявах дадзена адтэрмiноўка з наступнай растэрмiноўкай па падатках i па 42 — падатковы крэдыт на суму звыш 3,8 мiльёна рублёў. Цяпер на разглядзе знаходзіцца яшчэ каля 100 зваротаў.

Вядома, на сённяшнi дзень гэтыя лiчбы ўжо iншыя i, зразумела, таксама не канчатковыя. Бо ў гарвыканкаме, паводле слоў старшынi камiтэта, пастаянна аналiзуюць сiтуацыю, звароты бiзнесменаў. Не выключана, што пад уплывам абставiн можа быць пашыраны пералiк эканамiчных вiдаў дзейнасцi для выдзялення дапамогi, — час пакажа.

Трэба сказаць, што ў адпаведнай камiсii гарсавета аператыўна абмеркавалi ўказ № 143, прыкiнулi прыкладны пакет мер, якiя дапамогуць зменшыць страты бiзнесу ва ўмовах пандэмii. Пытанне аб падтрымцы прадпрыемстваў i зборы падаткаў абмяркоўвалася разам з разглядам бюджэту горада. Сярод мер дапамогi — даванне адтэрмiноўкi, растэрмiноўкi i падатковых крэдытаў, якiя цалкам выплачваюцца ў бюджэт сталiцы, знiжэнне сум падаткаў на зямлю i нерухомасць, памяншэнне арэнднай платы за зямельныя ўчасткi, што знаходзяцца ў дзяржаўнай уласнасцi, якiя падлягаюць выплаце ў II i III кварталах бягучага года.

Адразу пасля прыняцця Указа № 143 дэпутаты праз СМI i iнтэрнэт пачалi тлумачальную работу. Так, на сайце Мiнгарсавета дэпутат Эдуард Кузняцоў проста i даходлiва расказаў пра тое, як мяркуецца наладзiць дапамогу пацярпелым ад пандэмii прадпрымальнiкам. Падыход iндывiдуальны: не будзе пагалоўнага давання прэферэнцый усiм. Кожны зварот вывучаецца ў спецыяльна створанай камiсii гарвыканкама, у якую, дарэчы, увайшлi два дэпутаты гарадскога Савета, i толькi потым прымаецца рашэнне аб мэтазгоднасцi аказання падтрымкi канкрэтнай юрыдычнай асобе. Прадпрымальнiкi могуць скарыстацца правам на дапамогу i такiм чынам палепшыць сваё фiнансавае становiшча — скажам, на два кварталы перанесцi выплату падаткаў.

Цяпер сiтуацыя ў дзелавым асяроддзi сталiцы няпростая. Хтосьцi праз пандэмiю трапiў у непрагназаванае складанае становiшча. Нехта, наадварот, нечакана атрымаў вялiкi прыбытак — ёсць i такiя прыклады. Такiм бiзнесменам няма сэнсу прэтэндаваць на прэферэнцыi. А вось калi прадпрыемства нясе рэальныя страты, яму дапамогуць, растлумачыў Эдуард Кузняцоў.

У iндывiдуальных прадпрымальнiкаў ёсць магчымасць перайсцi на iншыя рэжымы падаткаабкладання i пераразлiку адзiнага падатку ў сувязi з часовым вымушаным прастоем у рабоце цi скарыстацца арэнднымi канiкуламi, мараторыем на павелiчэнне базавай арэнднай велiчынi i арэнднай платы. Акрамя таго, мясцовым распарадчым i выканаўчым органам даецца права памяншаць маёмасныя падаткi. Юрыдычным асобам i iндывiдуальным прадпрымальнiкам — уласнiкам маёмасцi рэкамендавана даваць арандатарам адтэрмiноўку па аплаце арэнднай платы, а таксама змяншаць яе памер з улiкам аб'ёму iх выручкi. Так, у сувязi са скарачэннем колькасцi наведвальнiкаў i памяншэннем даходаў субсiдыi атрымаюць мiнскiя заапарк — 285 тысяч рублёў — i «Кiнавiдэапракат» — 1,3 мiльёна рублёў.

Сённяшняя эканамiчная i грамадска-палiтычная сiтуацыя ў сталiцы аб'ектыўна заклiкае дэпутатаў актывiзаваць работу з выбаршчыкамi. У гэтай сувязi хацелася б адзначыць прынцыповае i злабадзённае выступленне на сесii старшынi гарадскога Савета Андрэя Бугрова, якi шчыра казаў пра павышэнне аўтарытэту дэпутата ў акрузе. Ён нагадаў прысутным, што мясцовае самакiраванне з'яўляецца адным з галоўных складнiкаў беларускай дзяржаўнасцi, а ў сваёй дзейнасцi Мiнгарсавет зыходзiць з iнтарэсаў грамадзян, якiя жывуць на тэрыторыi горада.

Леанiд Лахманенка

Прэв’ю: budny.by

Загаловак у газеце: Падыход — iндывiдуальны

Выбар рэдакцыі

Эканоміка

Як абараняцца ад рыэлтараў, якія не хочуць працаваць па законе

Як абараняцца ад рыэлтараў, якія не хочуць працаваць па законе

Лiцэнзiя агенцтва «Гатовыя рашэннi» скасавана, «Iмперыi нерухомасцi» — прыпынена, а «Тваёй сталiцы» выпiсана прадпiсанне.

Палітыка

Аляксандр Лукашэнка: Гэта адна з самых складаных выбарчых кампаній

Аляксандр Лукашэнка: Гэта адна з самых складаных выбарчых кампаній

Кіраўнік дзяржавы прагаласаваў на выбарах Прэзідэнта.

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.