Вы тут

Беларускае чорна-белае кiно: глядзiм i абмяркоўваем


Адзiн з найцiкавейшых, але недаацэненых беларускiх фiльмаў «Усходнi калiдор» Валянцiна Вiнаградава можна будзе паглядзець i абмеркаваць з кiнакрытыкам на адмысловым паказе ў Нацыянальным цэнтры сучасных мастацтваў. Падзея — яе мадэратарам выступiць Максiм Карпiцкi — адбудзецца 17 лiпеня ў корпусе Цэнтра на Някрасава, 3.


Серыя паказаў работ рэжысёраў-шасцiдзясятнiкаў ладзiцца ў рамках мiжнароднай выстаўкi «Алфавiт вайны», якая праходзiць цяпер у НЦСМ i «па-iншаму» расказвае гiсторыю Другой сусветнай. Першай была прадэманстравана карцiна «Цераз могiлкi» Вiктара Турава, уключаная ў спiс ста найлепшых фiльмаў пра вайну, па версii ЮНЕСКА. Беларускi кiнематограф, у прыватнасцi «Беларусьфiльм», хоць i сумна вядомы зацыкленасцю на тэме Вялiкай Айчыннай, тым не менш зрабiў у асэнсаванне вайны заўважны ўнёсак — некалькi шэдэўраў, што адлюстроўваюць тэму глыбей i шырэй за сучасныя работы.

Стужка «Усходнi калiдор» выйшла ў 1968 годзе, але незразуметая тагачаснымi рэдактарамi паказвалася на другаразрадных пляцоўках i ўрэшце забылася (можа быць, i добра, бо рэдактары такiм чынам абыякава яе не чапалi). Толькi праз некаторы час нелiнейна расказаная гiсторыя пра мiнскае падполле атрымала належную ўвагу кiнааматараў i заняла месца аднаго з узораў беларускага кiнамадэрнiзму. Дарэчы, iнтарэс да фiльма быў узноўлены не без дапамогi рэжысёра Андрэя Кудзiненкi, якi прысвяцiў яму асобную карцiну.

Цяпер, калi запытаць пра самую незвычайную i перадавую айчынную стужку, хутчэй назавуць менавiта «Усходнi калiдор», — i ў гэта можна адразу паверыць, убачыўшы гульню святла ў здымцы аператара Юрыя Марухiна, неадназначнасць вайны ў сцэнарыi Алеся Кучара i шыкоўныя сцэны, дзе без жорсткiх вiдавочнасцяў Валянцiн Вiнаградаў паказвае вар'яцтва першай паловы 1940-х.

Кiнакрытык Максiм Карпiцкi прапануе абмеркаваць, цi гэта «малпаванне французскай «Новай хвалi», цi неад'емная частка падзабытай гiсторыi кiно, стылiстычнае штукарства альбо шчырае выказванне, i чаму так сталася, што Вiнаградаў — шчаслiвец, якi вучыўся i працаваў разам з Таркоўскiм i ў якасцi дыпломнай работы атрымаў рэдкую магчымасць зняць поўны метр, ледзь не скончыў на «Усходнiм калiдоры» сваю кар'еру».

Паказы выстаўкі «Алфавiт вайны» праходзяць штомесяц: пасля «Усходняга калiдора» ў раскладзе застаюцца фiльмы «Сыны iдуць у бой» зноў жа Вiктара Турава ды «Iдзi i глядзi» Элема Клiмава. Усе паказы — карцiны праекта даў «Беларусьфiльм» — суправаджаюцца абмеркаваннем з кiнакрытыкамi.

Вольга МIЦКЕВIЧ

Выбар рэдакцыі

Грамадства

Заразіцца прафесіяналізмам. Чаму трапіць на неканферэнцыю настаўнікаў EdCamp лічыцца вялікай удачай?

Заразіцца прафесіяналізмам. Чаму трапіць на неканферэнцыю настаўнікаў EdCamp лічыцца вялікай удачай?

Чацвёртая педагагічная неканферэнцыя прайшла ў мінулыя выхадныя з нязменным аншлагам і сабрала больш як тры сотні педагогаў з розных куткоў нашай краіны.

Спорт

Марына Літвінчук: Нашы дзеці будуць лепшыя, чым мы

Марына Літвінчук: Нашы дзеці будуць лепшыя, чым мы

Да старту Алімпійскіх гульняў у Токіа засталося менш за год. Увага да галоўных стартаў ужо пяцігодкі будзе каласальная.

Культура

Драматург Ксенія Шталянкова: Я думала — мяне разарве ад эмацыянальнай перанасычанасці

Драматург Ксенія Шталянкова: Я думала — мяне разарве ад эмацыянальнай перанасычанасці

П'еса, якой адкрыўся фестываль ТЭАРТ, прысвечана Мінскаму гета.

Грамадства

Час памятаць. Жыццёвы шлях Аляксандра Чарвякова — першага кіраўніка БССР

Час памятаць. Жыццёвы шлях Аляксандра Чарвякова — першага кіраўніка БССР

Сто гадоў таму ў верасні—кастрычніку 1920 года вакол беларускіх зямель разыгралася сапраўдная драма — у Рызе паміж Расіяй і Польшчай пачаліся перагаворы аб аддзяленні на карысць апошняй часткі тэрыторый Беларусі.