25 верасня, пятніца

Вы тут

Самаходка для Буйнiцкага поля


Арсенал баявой тэхнiкi на мемарыяльным комплексе «Буйнiцкае поле» ў Магiлёве папоўнiла савецкая супрацьтанкавая самаходная артылерыйская ўстаноўка Су-100. Яе ўрачыстая перадача адбылася падчас мерапрыемства, прысвечанага 79-й гадавiне абароны Магiлёва i 75-й — са дня Перамогi ў Вялiкай Айчыннай вайне.


Падобныя ўстаноўкi з'явiлiся на ўзбраеннi Чырвонай Армii пасля таго, як працiўнiк стаў выкарыстоўваць новы цяжкi танк «Тыгр», лабавая браня якога таўшчынёй 101 мiлiметр не прабiвалася з дыстанцыi 500 метраў бранябойнымi снарадамi. Самаходка заняла сваё пачэснае месца на гераiчным полi. Гэты тып тэхнiкi выкарыстоўваўся ў баявых дзеяннях па вызваленнi краiн заходняй Еўропы са студзеня 1945 года.

У гонар абаронцаў i вызвалiцеляў Магiлёва былi ўскладзены кветкi да падножжа каплiцы, адбылася рэканструкцыя баёў 1944-га за вызваленне Буйнiч. Удзельнiкi мiтынгу ўшанавалi памяць герояў хвiлiнай маўчання, быў дадзены трохразовы ружэйны залп.

Са словамi ўдзячнасцi за мiрнае неба над галавой i стабiльнасць у краiне выступiў старшыня Магiлёўскага аблвыканкама Леанiд Заяц. Ён падзякаваў Прэзiдэнту за асабiсты ўнёсак у вырашэнне пытання па перадачы гэтага сiмвала мужнасцi Савецкай армii. Словы ўдзячнасцi за ўдзел у агульнай справе ён таксама адрасаваў Мiнiстэрству абароны i шклоўскiм пошукавiкам ваенна-патрыятычнага клуба «Пошук», якiя аднавiлi тэхнiку. Удзел у цырымонii ўзяў намеснiк кiраўнiка Адмiнiстрацыi Прэзiдэнта Рэспублiкi Беларусь Андрэй Кунцэвiч, якi таксама нагадаў пра неабходнасць берагчы мiр i не забываць подзвiг абаронцаў i вызвалiцеляў краiны. Ён падкрэслiў той факт, што перадачу тэхнiкi Магiлёву падтрымаў кiраўнiк дзяржавы. «Для Беларусi тэма Вялiкай Айчыннай вайны асобая, такiх месцаў у нас шмат, i Буйнiцкае поле адно з iх, — канстатаваў ён. — Тут не трэба доўга расказваць пра тое, што адбылося, — дастаткова ўглядзецца ў мемарыяльныя плiты, паглядзець экспанаты, каб прасякнуцца ўзнёслым духам подзвiгу савецкага салдата».

Нэлi ЗIГУЛЯ

Выбар рэдакцыі

Грамадства

Выхаванцы Веснаўскага дома-інтэрната, што на Магілёўшчыне, робяць сваімі рукамі абразы для пабудаванай на іх тэрыторыі капліцы

Выхаванцы Веснаўскага дома-інтэрната, што на Магілёўшчыне, робяць сваімі рукамі абразы для пабудаванай на іх тэрыторыі капліцы

Культавая пабудова, якая будзе асвечана на свята Пакроваў у гонар свяціцеля Патрыка, асветніка зямлі Ірландскай, ужо цалкам гатова, засталося толькі упрыгожыць храмавыя сцены іконамі.

Палітыка

Дэпутат Варанецкi: Важна, каб мы выйшлi з выпрабаванняў больш моцнымi, адзiнымi i кансалiдаванымi

Дэпутат Варанецкi: Важна, каб мы выйшлi з выпрабаванняў больш моцнымi, адзiнымi i кансалiдаванымi

«Горш за ўсё, калi канфрантацыйная рыторыка гучыць з боку ўлады».