Вы тут

Моладзь навучаць аратарскаму майстэрству падчас серыі бясплатных вэбінараў


«Лабараторыя інавацыйных праектаў» запрашае хлопцаў і дзяўчат ва ўзросце ад 16 да 25 гадоў прыняць удзел у бясплатным анлайн-курсе па аратарскім майстэрстве. Па яго выніках будзе арганізаваны конкурс відэаролікаў «Удзел моладзі ў глабальных дзеяннях» (тэма Міжнароднага Дня моладзі 2020 года, які будзе адзначацца 12 жніўня). Курс пройдзе з 27 па 31 ліпеня ў выглядзе інтэнсіву са штодзённых вэбінараў на платформе Zoom і выканання практыкумаў паміж імі на платформе Moodle.


Мэта анлайн-курса — павысіць камунікатыўныя кампетэнцыі моладзі і дапамагчы ў фармуляванні і эфектыўным данясенні да грамадскасці свайго пункту гледжання па тэме ўдзелу моладзі ў глабальных выкліках.

Удзельнікам курса па аратарскім майстэрстве будуць прапанаваныя наступныя тэмы: «Як выбраць тэму выступлення?», «Структура публічнага выступлення», «Як даказаць, што вы разбіраецеся ў тэме?», «Відэакамера і мікрафон: асаблівасці выступлення анлайн», «Рэкамендацыі па падрыхтоўцы да конкурсу».

Абавязковая ўмова — выкарыстанне камеры і мікрафона, паколькі будзе арганізавана групавое абмеркаванне.

Усе выпускнікі анлайн-курса атрымаюць электронныя сертыфікаты. Удзельнікам конкурсу відэаролікаў выдадуць электронныя пасведчанні, а пераможцы будуць узнагароджаны друкаванымі дыпломамі і каштоўнымі

Падаць заяўку на навучанне і ўдзел ва ўступным вэбінары можна па спасылцы.

Арганізатары пацвердзяць заяўку, у лісце будзе спасылка на ўваход на першы вэбінар, а таксама інструкцыя па рэгістрацыі на платформе Moodle.

Па ўсіх пытаннях адносна анлайн-курса можна звяртацца да дырэктара ўстановы «Лабараторыя інавацыйных праектаў» Віталія Нікановіча па электроннай пошце: vitali@e-edu.org або праз месэнджары тэкстам: +375 29 869 39 21 (Viber, Whats App, Telegram, Signal).

Надзея НІКАЛАЕВА

Прэв’ю: lifehacker.ru

Выбар рэдакцыі

Палітыка

Як галасавалі рэгіёны на выбарах Прэзідэнта

Як галасавалі рэгіёны на выбарах Прэзідэнта

Расказваюць нашы карэспандэнты.

Палітыка

Аляксандр Лукашэнка: Гэта адна з самых складаных выбарчых кампаній

Аляксандр Лукашэнка: Гэта адна з самых складаных выбарчых кампаній

Кіраўнік дзяржавы прагаласаваў на выбарах Прэзідэнта.

Палітыка

У Рэспубліцы Беларусь прайшоў асноўны дзень выбараў Прэзідэнта

У Рэспубліцы Беларусь прайшоў асноўны дзень выбараў Прэзідэнта

Сёлетнія выбары кіраўніка дзяржавы — шостыя па ліку.

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.