02 снежня, серада

Вы тут

МУС: Перадвыбарчая кампанія праходзіць ва ўмовах нябачанага інфармацыйнага ціску


У гэтым годзе перадвыбарчая кампанія праходзіць ва ўмовах нябачанага інфармацыйнага ціску. Пра гэта сёння ў час анлайн-канферэнцыі «Telegram-пагрозы: хто за імі стаіць і каму выгадная дэстабілізацыя ў грамадстве» на YouTube-канале МУС заявіў першы намеснік міністра ўнутраных спраў Генадзь Казакевіч, паведамляе БЕЛТА.


«У гэтым годзе перадвыбарчая кампанія праходзіць ва ўмовах нябачанага інфармацыйнага ціску, маніпулявання грамадскай думкай, дыскрэдытацыі органаў улады і кіравання. Для стварэння негатыўных інфармацыйных падстаў, для запалохвання людзей, якія падтрымліваюць дзяржаву, для пастаяннага ўкідвання фэйкавых навін, што распальваюць незадаволенасць грамадзян, шырока выкарыстоўваюць інтэрнэт- рэсурсы», - адзначыў Генадзь Казакевіч.

Інтэрнэт дазваляе звярнуцца да многіх людзей. «Плюс да гэтага — уяўная ананімнасць звароту», — падкрэсліў праваахоўнік.

«Падрыхтоўка чарговых незаконных акцый і вярбоўка новых прыхільнікаў ажыццяўляецца з дапамогай спецыялізаваных інтэрнэт-рэсурсаў, закрытых груп у інтэрнэт-месенджарах — перш за ўсё ў Viber, Telegram. Найбольш адыёзныя, радыкальна настроеныя асобы вядуць індывідуальныя відэаблогі і паблік-чаты ў такіх інтэрнэт-рэсурсах, як Youtube, Facebook, «Вконтакте», — сказаў Генадзь Казакевіч.

Паводле яго слоў, тое, што адбываецца ў краіне з’яўляецца часткай паліттэхналогіі, накіраванай на расхістванне і дэстабілізацыю сітуацыі.

«Элементам такой тэхналогіі з’яўляецца негатыўнае ўздзеянне ў інфармацыйным полі з мэтай падрыву аўтарытэту органаў улады і кіравання, ачарнення канкрэтных службовых асобаў, грамадскіх дзеячаў, супрацоўнікаў праваахоўных органаў. Задачы простыя і зразумелыя. З аднаго боку — спарадзіць недавер і непрыязнасць, а ў канчатковым выніку нянавісць грамадзян да існуючага дзяржаўнага ладу, асабліва да супрацоўнікаў органаў унутраных спраў і ваеннаслужачых унутраных войскаў. З іншага боку стаіць задача расхістаць свядомасць саміх супрацоўнікаў, каб у канчатковым выніку пасеяць у іх няўпэўненасць, спарадзіць страх, немагчымасць або нежаданне выконваць прынятыя на сябе абавязацельствы па ахове грамадскага парадку і барацьбе са злачыннасцю», - канстатаваў Генадзь Казакевіч.

Выбар рэдакцыі

Грамадства

Шакаладныя жаданні па-беларуску. Карэспандэнт «Звязды» пабывала на адной з кандытарскіх фабрык краіны

Шакаладныя жаданні па-беларуску. Карэспандэнт «Звязды» пабывала на адной з кандытарскіх фабрык краіны

Каб паглядзець, што тут рыхтуюць да свята і якімі салодкімі навінкамі збіраюцца здзіўляць беларусаў.

Грамадства

Зберагчы дзяцінства, або як сёння змагаюцца з педафіліяй

Зберагчы дзяцінства, або як сёння змагаюцца з педафіліяй

За дзесяць месяцаў бягучага года супрацоўнікі міліцыі выявілі больш за 600 злачынстваў супраць палавой недатыкальнасці або палавой свабоды непаўналетніх.

Грамадства

Школа — прастора для дыялогу. Чаму на тэму булінгу можна і трэба выказвацца ўслых

Школа — прастора для дыялогу. Чаму на тэму булінгу можна і трэба выказвацца ўслых

Рэспубліканскі цэнтр псіхалагічнай дапамогі падрыхтаваў для педагогаў рэкамендацыі па вырашэнні канфліктных сітуацый.

Грамадства

​Што павiнны зрабiць на прадпрыемствах, каб папярэдзiць распаўсюджванне COVID-19

​Што павiнны зрабiць на прадпрыемствах, каб папярэдзiць распаўсюджванне COVID-19

Мiнiстэрства аховы здароўя распрацавала рэкамендацыi па прафiлактыцы каранавiруснай iнфекцыi ў арганiзацыях.