Вы тут

На «Беларусь 2» пакажуць новыя сезоны ўжо вядомых i многiмi любiмых праектаў


Вандраваць, трацiць (не свае) грошы i назiраць, як будуюцца ўзаемаадносiны ў чужых сем'ях, — усё гэта прапануе гледачам тэлеканал «Беларусь 2», дзе з наступнага тыдня нас чакаюць прэм'еры новых сезонаў ужо вядомых i многiмi любiмых праектаў.


У аўторак 21 лiпеня прыхiльнiкаў стылю i шопiнгу чакае фэшн-шоу «Багiня шопiнгу. Яскравае вяртанне». Праграма аб'ядноўвае ўсiх тых, хто пiльна сочыць за модай, стылем i з задавальненнем ахвяруе на гэты занятак вольны час. Паводле ўмоў праекта, яго ўдзельнiцы маюць чатыры гадзiны i пэўную суму грошай, каб набыць у краме модны ўбор. Але спачатку чацвёрка дзяўчат пакажа, што ёсць у iх уласным гардэробе. Ну а пасля прагулкi па магазiнах iм трэба ацанiць здольнасць сваiх сапернiц падбiраць адзенне згодна з зададзеным вобразам. У вынiку тая канкурсантка, якая набярэ больш за ўсiх балаў, атрымае i матэрыяльнае ўзнагароджанне за свае стараннi. Калi ўлiчыць, што гэтыя дзяўчаты разбiраюцца ў модзе не горш за дызайнераў i арыентуюцца ва ўсiх навiнках, дык можна зразумець: да ацэнкi яны падыходзяць не менш скрупулёзна. А яшчэ свае меркаваннi выказваюць зорныя каментатары. I толькi непрадузяты погляд вядучага праграмы Леанiда Мартынчыка дапаможа разгледзець жаночую падступнасць, выявiць найлепшы вобраз i модныя тэндэнцыi.

Знакамiтае трэвел-шоу «Арол i рэшка» ў пятнiцу 24 лiпеня распачне «Марскi сезон». Праект, нагадаем, быў прыдуманы i ўвасоблены ў жыццё ўкраiнскiмi тэлевiзiёншчыкамi. З моманту яго дэбюту ў 2011 годзе i па сённяшнi дзень за вядучымi i iх прыгодамi па ўсiм свеце назiраюць тэлегледачы розных краiн. Паралельна яны знаёмяцца з мясцовым каларытам, славутасцямi i арыентуюцца ў цэнах на адпачынак. Гэтым разам новыя вядучыя шоу Мiкалай Серга i Алiна Астроўская адправяцца на самыя лепшыя курорты, пляжы i ў нязведаныя куточкi, куды яшчэ не дабралiся бiзнесмены i сеткавыя гатэлi. Гледачы ўбачаць неверагодныя мясцiны, дзе валадараць моры i акiяны. А магчымасцi кожнага з вядучых у ролi турыста вызначыць традыцыйна манетка: каму выпадае «арол», той будзе жыць нi ў чым сабе не адмаўляючы, а iншаму давядзецца арыентавацца на бюджэт у 100 долараў. Хоць варта адзначыць, што ў некаторых краiнах i з абмежаванымi сродкамi турыст здольны адчуць сябе багатым, а жыць аднаму ў шыкоўным асабняку можа быць, наадварот, сумна. Але незалежна ад грошай для кожнага знойдуцца цiкавыя варыянты, як правесцi выхадныя так, каб потым было што ўспомнiць.

Яшчэ адно рэалiцi-шоу чакае сустрэчы з тэлеаўдыторыяй «Абмен жонкамi-2». Праект украiнскай вытворчасцi з'яўляецца адаптацыяй брытанскага Wife Swap, i ў другiм сезоне яго стваральнiкi прапанавалi яшчэ больш знаёмстваў з рознымi сем'ямi, назiранняў за яркiмi ўдзельнiкамi i цiкавымi сiтуацыямi. Праект цяпер стаў па-сапраўднаму мiжнародным: мяняцца жонкамi будуць сем'i з Украiны, Iталii, Сербii, Iспанii, Грэцыi i многiх iншых краiн свету. Сярод гераiнь сустрэнуцца самыя розныя жанчыны: мамы-мадэлi, хатнiя гаспадынi, урачы, выкладчыкi, бiзнес-лэдзi i беспрацоўныя. Куды яны трапяць i якiя высновы зробяць для сябе пра жыццё ўдзельнiкi жыццёвага эксперыменту? Глядзiце рэалiцi-шоу «Абмен жонкамi-2» па суботах на
«Беларусь 2».

Алена ДРАПКО

Загаловак у газеце: Кошт адпачынку, эмоцый i ведаў

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.