Вы тут

У Віцебску ўчора распачаўся 29-ы па ліку найбуйнейшы фестываль на постсавецкай прасторы


Абласны цэнтр па традыцыі жыве ў асаблівым «базарным» рытме. Сёлета пандэмія ўнесла карэктывы ў планы арганізатараў — напрыклад, афіцыйная праграма стала карацейшыя: усяго чатыры дні. Але і ў новым фармаце фэст, можна не сумнявацца, будзе цікавы.


Філіп Кіркораў ля сваёй імянной зоркі, адкрытай учора ў Віцебску.

У сувязі з пандэміяй незвычайнай стала акрэдытацыя для ўдзельнікаў «базару»: у дырэкцыі пры ўваходзе хлопцы ў цывільным вымяраюць тэмпературу і просяць апрацаваць антысептыкам рукі. Тэмпературны кантроль і пры ўваходзе на канцэртныя пляцоўкі. А вось маскі — не абавязковая ўмова, і можна пры жаданні іх як насіць, так і не.

Учора адбылася першая прэс-канферэнцыя, дзе традыцыйна агучылі некаторыя лічбы і факты, якія датычацца фестывалю. Напрыклад, у 2020 годзе на ім працуе больш за 300 журналістаў, усяго ў Віцебску прадстаўленыя 23 краіны, а ў міжнародным дзіцячым і дарослым конкурсах выступяць — ужо дакладна — прадстаўнікі 17 і 14 краін адпаведна. Героем першай «Зорнай сустрэчы» стаў артыст балета Сяргей Палунін — самы малады ў гісторыі прэм'ер Каралеўскага балета ў Лондане і спецыяльны госць сёлетняга віцебскага форуму.

Міністр культуры Беларусі Юрый Бондар канстатаваў: фестывальны дэвіз «Праз мастацтва — да міру і ўзаемаразумення», сёння, бадай, як ніколі актуальны, бо форум спрыяе яднанню і ўзбагачэнню духоўнай спадчыны славянскіх народаў.

Вадзім Заранкін, старшыня Віцебскага гарадскога выканаўчага камітэта, пажартаваў, што зоркі не толькі зноў сышліся, каб фестываль-старажыл працягваў сваё існаванне, але і з'ехаліся. Месца сустрэчы змяніць нельга! І нават дажджы не сапсуюць настрой.

А ўвечары адбыўся і першы канцэрт — урачыстае адкрыццё ХХІХ Міжнароднага фестывалю мастацтваў, рэжысёр якога Аляксандр Вавілаў з дапамогай артыстаў і творчых калектываў з розных краін трансліраваў на віцебскай сцэне простую і вельмі актуальную і важную сёння думку «Я люблю цябе, жыццё!..» Падрабязней пра цырымонію адкрыцця «Звязда» раскажа ў суботнім нумары. А пакуль нагадаем, што сёння, 17 ліпеня, на фестывалі пройдуць разнастайныя мерапрыемствы Дня Саюзнай дзяржавы, увечары ў Летнім амфітэатры на канцэрце «Саюзная дзяржава запрашае...» можна будзе паслухаць «Жывую музыку кіно» ад аркестра «Фано-граф сімфа-джаз» пад кіраўніцтвам Сяргея Жыліна і папулярных выканаўцаў Беларусі і Расіі, а на пляцоўцы каля КЗ «Віцебск» — паглядзець фінал ІІ Міжнароднага фестывалю Dream Dance Fest.

Аляксандр ПУКШАНСКІ

Фота БелТА

Загаловак у газеце: Падзея, якая яднае

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.