Iгар Сергеенка сустрэўся з калектывам Слонiмскай камвольна-прадзiльнай фабрыкi i Слонiмскага кардонна-папяровага завода «Альберцiн». Ён адзначыў, што не быў у Слонiме больш за дзесяць гадоў. Горад за гэты час значна змянiўся, стаў больш утульны, чысты i прыгожы, шмат увагi цяпер удзяляецца развiццю iнфраструктуры.
Падчас размовы з кiраўнiком Адмiнiстрацыi Прэзiдэнта супрацоўнiкi прадпрыемстваў цiкавiлiся пытаннямi жыллёва-камунальнай гаспадаркi, развiцця сiстэмы аховы здароўя, транспартных зносiн. Некаторыя iх праблемы ўзятыя на кантроль.
«Адзначу, што работнiкi прадпрыемстваў, а на кожным з iх каля 800 чалавек, з аптымiзмам глядзяць у будучыню. Вырашаюцца, што немалаважна, усе сацыяльныя пытаннi. Самае галоўнае, што тут у няпросты час не проста захавалi калектывы, але i нарасцiлi аб'ёмы вытворчасцi, актыўна працуюць на знешнiх рынках. Напрыклад, у «Альберцiна» каля 60 % прадукцыi пастаўляецца на экспарт, у камвольна-прадзiльнай фабрыкi — звыш 80 %. Ёсць i праекты па мадэрнiзацыi вытворчасцi, якiя дазволяць выйсцi на новыя рынкi, новыя гарызонты», — перадае словы Iгара Сергеенкi БелТА.
Падчас сустрэч кiраўнiкi прадпрыемстваў папрасiлi пасадзейнiчаць у вырашэннi некаторых пытанняў. Iгар Сергеенка падкрэслiў, што варта дапамагаць тым, хто працуе i зацiкаўлены ў развiццi.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
