Вы тут

24 ліпеня ў пунктах правядзення ЦТ распачнецца выдача сертыфікатаў


Для іх атрымання абітурыент павінен звярнуцца ў тую навучальную ўстанову, на базе якой здаваў дысцыпліны ЦТ. Згодна з Палажэннем аб парадку арганізацыі і правядзення цэнтралізаванага тэсціравання, абітурыент атрымлівае сертыфікат асабіста пры прад'яўленні арыгінала пашпарта і пропуска з адзнакай «Тэсціраванне прайшоў». Сертыфікат выдаецца абітурыенту пад роспіс, а пропуск у яго забіраюць. У выпадку страты пропуска абітурыент падае заяву аб выдачы сертыфіката без прад'яўлення пропуска.


Калі абітурыент па ўважлівай прычыне не можа атрымаць сертыфікат ці яго дублікат асабіста, гэта можа зрабіць законны прадстаўнік непаўналетняга абітурыента (хтосьці з яго бацькоў або апекуноў) пры прад'яўленні: арыгінала пашпарта законнага прадстаўніка; дакумента, які пацвярджае статус законнага прадстаўніка (пасведчанне аб нараджэнні); копіі пашпарта абітурыента, заверанай натарыяльна.

Таксама сертыфікаты можа забраць прадстаўнік абітурыента пры прад'яўленні: арыгінала свайго пашпарта; даверанасці, заверанай натарыяльна або ўпаўнаважанай асобай; копіі пашпарта абітурыента, заверанай натарыяльна.

Паколькі сертыфікат — вельмі важны афіцыйны дакумент, правяраць дакладнасць яго афармлення, у прыватнасці, напісанне прозвішча, імя і імя па бацьку, трэба неадкладна, інакш праблемы абавязкова ўзнікнуць ужо пры падачы дакументаў у прыёмную камісію. Сертыфікат з несапраўднымі звесткамі падлягае замене.

У тым выпадку, калі абітурыент сапсаваў або страціў сертыфікат (а такія выпадкі здараюцца кожны год), апошні могуць замяніць. Для гэтага трэба звяртацца ў Рэспубліканскі інстытут кантролю ведаў.

Для атрымання дубліката сертыфіката падаюцца наступныя дакументы: пашпарт ці іншы дакумент, які сведчыць асобу; заява з указаннем прычыны атрымання дубліката сертыфіката; сапсаваны сертыфікат ці даведка з установы адукацыі ў выпадку, калі паміж навучэнцам і ўстановай вышэйшай ці сярэдняй спецыяльнай адукацыі былі датэрмінова спынены адукацыйныя адносіны, аб'ява аб згубленым сертыфікаце ў газеце. Дублікат выдаецца на працягу пяці дзён з моманту падачы адпаведнай заявы.

У выпадку замены дакумента, які сведчыць асобу, у перыяд паміж датай рэгістрацыі ў якасці абітурыента і датай выдачы сертыфіката апошні павінен афармляцца ў адпаведнасці з данымі новага дакумента, які сведчыць асобу.

Тыя, хто праходзіў тэсціраванне ў рэзервовыя дні, змогуць атрымаць сертыфікаты з 29 ліпеня.

Не выдадзеныя абітурыентам сертыфікаты захоўваюцца ў пунктах правядзення ЦТ да канца каляндарнага года, які ідзе за годам здачы ЦТ.

Надзея НІКАЛАЕВА

Фота Ганны ЗАНКАВІЧ

Загаловак у газеце: Згубіў сертыфікат? Звяртайся па дублікат!

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.