24 кастрычніка, субота

Вы тут

Дэкрэтныя выплаты падрастуць з 1 жніўня


Памер дапамогі на догляд дзяцей ва ўзросце да трох год павялічыцца на 5,5 %. З 1 жніўня матулі ў дэкрэце будуць атрымліваць 427,84 рубля на першага малога, 488,96 рубля — на другога і наступнага малых і 550,08 рубля — на дзіця-інваліда.


Пераразлік сум робіцца двойчы на год у лютым і жніўні адпаведна з Законам «Аб дзяржаўных дапамогах сем’ям, якія выхоўваюць дзяцей». Гэта адбываецца ў сувязі з ростам сярэднямесячнай заработнай платы ў гэтыя ж перыяды, нагадалі ў Міністэрстве працы і сацыяльнай абароны.

Памер дапамогі па догляду за дзецьмі ва ўзросце да трох гадоў вызначаецца наступным чынам:

  • за студзень бягучага года — зыходзячы з сярэднемесячнай зарплаты ў краіне за другі квартал папярэдняга года;
  • за перыяд з 1 лютага па 31 ліпеня 2020-га — зыходзячы з сярэднемесячнай зарплаты ў краіне за чацвёрты квартал 2019 года;
  • за час з 1 жніўня па 31 снежня гэтага года — зыходзячы з сярэднемесячнай зарплаты ў краіне за другі квартал летась.

Такім чынам памер дапамогі на першае дзіця складае 35 % ад зарплаты работнікаў Беларусі за квартал. На другога і наступных малых — 40 %. І на дзіця-інваліда, незалежна ад таго, якім па чарзе ён нарадзіўся ў сям’і, — 45 %.

Дакладна падлічыць суму можна, сыходзячы з памеру намінальнага заробку, які налічаны работнікам у краіне ў другім квартале сёлета. Гэтая лічба — 1 222,40 рубля — прадстаўлена Нацыянальным статыстычным камітэтам і ў параўнанні з чацвёртым кварталам мінулага года вырасла на 5,5 %.

Ірына СІДАРОК

Прэв’ю: kleo.ru

Выбар рэдакцыі

Грамадства

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

У пачатковы перыяд Вялiкай Айчыннай вайны зацятыя баi разгарнулiся пры абароне Барысава — старадаўняга беларускага горада на Бярэзiне. 

Грамадства

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

«Лічбавыя жулікі», якія здымаюць грошы з чужых банкаўскіх карт, звычайна маскіруюцца пад інтэрнэт-рэсурсы, вартыя даверу.