19 верасня, субота

Вы тут

Прагноз надвор'я на тыдзень


Лiпень сёлета не пацвярджае сваё званне «макаўкi лета». Вось i апошнi тыдзень адыходзячага месяца выдасца больш падобны па надвор'i на жнiвень. Будуць перыядычна iсцi дажджы, а ў другой палове тыдня яшчэ i пахаладае. Падрабязней пра надвор'е расказалi ў Рэспублiканскiм цэнтры па гiдраметэаралогii, кантролi радыеактыўнага забруджвання i манiторынгу навакольнага асяроддзя Мiнпрыроды.


Самы цёплы дзень на гэтым тыднi будзе сёння. Паветра прагрэецца да 24-30 градусаў вышэй за нуль. Камфорту дадасць паўднёва-заходнi вецер. Але агульную карцiну азмрочаць кароткачасовыя дажджы, якiя пройдуць на большай частцы тэрыторыi Беларусi. Дзе-нiдзе прагрымяць i навальнiцы. Пры iх чакаецца ўзмацненне ветру.

А вось у сераду да нас з Заходняй Еўропы змесцiцца актыўны атмасферны фронт. Уначы па Брэсцкай i Гродзенскай абласцях пачнуцца кароткачасовыя дажджы, якiя на працягу дня распаўсюдзяцца на значную частку тэрыторыi краiны. Не абыдзецца i без навальнiц. Удзень атмасферны фронт набярэ моц, i таму не выключаны моцныя лiўнi i нават град. Захаваецца паўднёва-заходнi вецер, але паступова яго напрамак зменiцца на заходнi. Вецер узмоцнiцца да ўмеранага. Ноч чакаецца цёплая — ад 14 да 20 градусаў цяпла.

А вось удзень разбежка тэмператур будзе прыкметнай — калi на паўднёвым усходзе сонца паспее распалiць паветра да 31 градуса цяпла, то на паўночным захадзе тэрмометры пакажуць не больш за 21 вышэй за нуль.

На гэтым летняе надвор'е зноў возьме тайм-аўт. У чацвер будзе ўсяго 18-24 цяпла. А ўначы — зусiм не лiпеньскiя 10-16. У нiзiнах могуць утварацца туманы.

Праўда, днём паўднёвыя раёны Брэсцкай i Гомельскай абласцей могуць разлiчваць на некалькi дадатковых градусаў. Але ў якасцi процiвагi выступiць халодны заходнi парывiсты вецер. Месцамi пройдуць кароткачасовыя дажджы.

У пятнiцу пахаладае яшчэ на пару градусаў, а непрацяглыя ападкi распаўсюдзяцца на большую частку тэрыторыi Беларусi. Да нас змесцiцца франтальны падзел з паўночнага захаду Еўропы. Так што не хавайце далёка курткi i парасоны.

Валяр'ян ШКЛЕННIК

Прэв’ю: znaj.ua

Загаловак у газеце: Яшчэ адзiн халаднаваты тыдзень

Выбар рэдакцыі

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

«А аднойчы нашу аператарку запрасілі замуж па тэлефоне». Чым жыве кантакт-цэнтр «Белпошты»?

«А аднойчы нашу аператарку запрасілі замуж па тэлефоне». Чым жыве кантакт-цэнтр «Белпошты»?

Тры кароткія лічбы — 154. Гэта нумар кантакт-цэнтра «Белпошты». Яго набіраюць тыя, хто сутыкаецца з пытаннямі датычна паслуг, якія аказваюць паштавікі. За кожным з такіх званкоў стаіць свая гісторыя.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.