Вы тут

Валянцін Байко, сенатар, бізнесмэн: «Створаны ўсе ўмовы, каб „разбудзіць“ у беларуса прапрымальніцкую жылку»


— Бачу, колькі ўсяго робіцца ў краіне, каб чалавек мог зарабляць для сябе і сваёй сям’і. Створаны ўсе ўмовы, каб беларусы мелі магчымасць займацца прадпрымальніцкай дзейнасцю — ад дробнага і сярэдняга бізнесу да ІТ-сферы.


Зразумела, што само нам з неба нічога не ўпадзе. У кожнага жыхара нашай краіны павінна быць жаданне самааддана працаваць, каб дабівацца высокіх вынікаў. Толькі такі падыход вядзе да дабрабыту кожнага грамадзяніна.

Гэтым прынцыпам карыстаецца і наша кампанія. «Контэ Спа» пачала работу ў 1997 годзе з вытворчасці звычайных калготак, якія тады былі ў дэфіцыце. Сёння мы вядучыя вытворцы вырабаў лёгкай прамысловасці ў Цэнтральнай і Усходняй Еўропе. У мінулым годзе значна пашырылі асартымент. Асвоілі выпуск ніжняй бялізны, трыкатыжу, шкарпэтак, легінсаў, джынсаў. Гэтаму папярэднічала вялікая падрыхтоўчая работа. Мы ўзмацнілі каманду, закупілі абсталяванне, удасканалілі тэхналогіі. І зараз можам гаварыць аб станоўчых зрухах.

Значная частка прадукцыі прадпрыемства, а гэта 70%, ідзе на экспарт у 30 краін свету. Асноўныя нашы рынкі — гэта Расія і Украіна. Але мы дыверсіфіцыруем рынак, як таго патрабуе час. На гэта нацэльвае і кіраўнік дзяржавы. Таму сённы мы можам гаварыць аб новых адрасах паставак. Асвойваем рынак Ізраіля і краін Паўднёвай Амерыкі. У Францыі займелі дыстрыб’ютара, які мае трывалыя сувязі, і спадзяёмся на пастаўкі ў еўрапейскія краіны.

Пры гэтым «Контэ Спа» не раздзяляе прадукцыю на знешні гандль і экспарт. Усё вырабляецца на высокім якасным узроўні. І нашы спажыўцы гэта цэняць і аддаюць перавагу вядомаму і праверанаму вытворцу. Аб гэтым сведчыць залаты медаль у спажывецкай намінацыі на конкурсе «Брэнд года», тавар выбралі менавіта пакупнікі незалежным апытаннем. Вядома, у скарбонцы прадпрыемства даволі шмат розных узнагарод у конкурсах «Брэнд года», «Выбар года», «Народная марка» і іншых, у тым ліку міжнародных.

Прадпрыемства не толькі ўкладвае сродкі ў развіццё сваёй кампаніі, але і займаецца інвестыцыйнай дзейнасцю. Прыкладам можа служыць гандлёва-забаўляльны комплекс «Трыніці», частка якога ўжо даступна для наведвальнікаў. Будаўніцтва аб’екта працягваецца. Таксама кампанія выдаткавала сродкі на добраўпарадкаванне развязкі каля гандлёвага цэнтра. У горадзе, як і цэлым у краіне, для інвестара створаны спрыяльныя ўмовы, таму мы не застаемся ўбаку і ўкладваем значныя сродкі ў рэалізацыю інвестіцыйных праектаў.

Выбар рэдакцыі

Эканоміка

Маладых спецыялістаў у сельскай гаспадарцы вабяць не толькі жыллё і зарплата

Маладых спецыялістаў у сельскай гаспадарцы вабяць не толькі жыллё і зарплата

У сельгаскааператыве «Ніва-2003» Гродзенскага раёна цяпер працуе ажно 11 маладых спецыялістаў. 

Грамадства

Як працуюць маладыя спецыялісты ў Гарадоцкім раёне

Як працуюць маладыя спецыялісты ў Гарадоцкім раёне

Райцэнтр Гарадок знаходзіцца прыкладна за трыццаць кіламетраў ад Віцебска, недалёка — мяжа з Расіяй. Як там сёння з кадравым пытаннем?

У свеце

Барацьба з эпiдэмiяй у Пекiне: адлюстраванне ўзроўню мунiцыпальнага кiравання

Барацьба з эпiдэмiяй у Пекiне: адлюстраванне ўзроўню мунiцыпальнага кiравання

Да Кiтая ўвага ўсёй сусветнай супольнасцi прыкавана з розных прычын.

Грамадства

Кампазiтар Алег Елiсеенкаў: У нас з жонкай усё агульнае — i радасцi, i нягоды, i грошы

Кампазiтар Алег Елiсеенкаў: У нас з жонкай усё агульнае — i радасцi, i нягоды, i грошы

Са сваёй жонкай аўтар папулярных песень знаёмы амаль паўстагоддзя.