Вучэбна-метадычны кабінет «Цэнтр беларуска-кітайскіх міжкультурных камунікацый» ствараецца пры падтрымцы ўніверсітэта Цюйфу і Фуцзяньскага педагагічнага ўніверсітэта, з якімі ў беларускай ВНУ падпісаныя дамовы аб міжуніверсітэцкім супрацоўніцтве ў мэтах павышэння якасці падрыхтоўкі студэнтаў на аснове міжнароднага вопыту.
У Палескім дзяржуніверсітэце цікавасць да кітайскай мовы і культуры сярод студэнтаў ўзрастае. Гэтаму, у прыватнасці, спрыяе летняя школа для кітайскіх студэнтаў, якая дзейнічае ў ВНУ на працягу двух гадоў. У новым навучальным годзе моўны курс працягнуць асвойваць 30 студэнтаў, якія навучаюцца па некалькіх спецыяльнасцях на кафедры міжкультурных камунікацый. Столькі ж першакурснікаў пачнуць вывучаць кітайскую мову з самага пачатку.
У «Цэнтры беларуска-кітайскіх міжкультурных камунікацый» будуць працаваць студэнцкі адукацыйны гурток «Школа каліграфічнага пісьма», кінаклуб кітайскай мовы і секцыя маладога кітаіста. У перспектыве тут плануецца арганізаваць курсы кітайскай мовы для школьнікаў і дарослых.
У прэс-службе Міністэрства адукацыі паведамілі, што згодна з планамі адкрыццё цэнтра адбудзецца 1 кастрычніка 2020 года.
Надзея НІКАЛАЕВА
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!