Вы тут

Як міліцыянеры дапамагаюць людзям


Неабыякавасць на дарозе

Нядаўна 21-гадовая жыхарка Мінска вырашыла адправіцца ў аўтападарожжа па Беларусі. З сабой яна ўзяла дзвюх сясцёр і брата. І вось на ажыўленай трасе Мінск — Гродна ў аўтамабіля раптоўна лопнула кола...

Побач праязджаў нарад ДАІ. Міліцыянеры спыніліся, каб высветліць, у чым прычына стаянкі. Адзін з іх вырашыў дапамагчы памяняць кола, якое лопнула, на запасное, але тое было здзьмутае. Выйсце было знойдзена. Інспектар пазычыў помпу ў аднаго з кіроўцаў, які праязджаў па трасе. Машына здолела дабрацца да бліжэйшай станцыі тэхнічнага абслугоўвання. Там і адрамантавалі злашчаснае кола.

Дзяўчына напісала падзяку на сайт Міністэрства ўнутраных спраў. Нераўнадушным міліцыянерам аказаўся інспектар ДПС аддзялення ДАІ Валожынскага РУУС лейтэнант міліцыі Дзмітрый Жалтко.

Таксама адзначыўся яшчэ адзін інспектар таго ж самага аддзялення, капітан міліцыі Павел Жабко. Ён даставіў у бальніцу кіроўцу з Гродна, які адчуў сябе блага за рулём. Урачы аказалі вадзіцелю першую дапамогу. Пераканаўшыся, што яму стала лепш, афіцэр адвёз яго назад да аўтамабіля. Кіроўца ў даўгу не застаўся і падзякаваў інспектару за добрае стаўленне да чужой бяды.


Вось такія асілкі!

Стары малапавярховы жыллёвы фонд, як правіла, не абсталяваны ліфтамі. Гэты недахоп пачынае моцна адчувацца, калі трэба перамясціць нейкі важкі груз. А што рабіць, калі трэба вынесці чалавека?

З такой праблемай сутыкнулася фельчар падстанцыі хуткай медыцынскай дапамогі Людміла Тарасевіч. Медыкі прыехалі на выклік да жыхара аднаго з пяціпавярховікаў. Пажылога чалавека трэба было шпіталізаваць. Але вось тут і атрымалася неспадзяванка: мажны пацыент не мог перамяшчацца без дапамогі. Як жа пранесці яго праз лесвічную клетку?

Фельчар вырашыла папрасіць дапамогі ў мінакоў. Яна выбегла на вуліцу і ўбачыла міліцыянераў, якія стаялі на прыпынку грамадскага транспарту. Гэта былі прапаршчык міліцыі Мікалай Мініч і старшы сяржант міліцыі Арцём Курац, якія служаць у мясцовым аддзеле Дэпартамента аховы. Яны тут жа адгукнуліся і дапамаглі занесці мужчыну ў аўтамабіль хуткай дапамогі. Пасля жанчына пазваніла на тэлефон даверу Міністэрства ўнутраных спраў і падзякавала ім за неабыякавасць.

Валяр'ян ШКЛЕННІК

Выбар рэдакцыі

Грамадства

Заразіцца прафесіяналізмам. Чаму трапіць на неканферэнцыю настаўнікаў EdCamp лічыцца вялікай удачай?

Заразіцца прафесіяналізмам. Чаму трапіць на неканферэнцыю настаўнікаў EdCamp лічыцца вялікай удачай?

Чацвёртая педагагічная неканферэнцыя прайшла ў мінулыя выхадныя з нязменным аншлагам і сабрала больш як тры сотні педагогаў з розных куткоў нашай краіны.

Спорт

Марына Літвінчук: Нашы дзеці будуць лепшыя, чым мы

Марына Літвінчук: Нашы дзеці будуць лепшыя, чым мы

Да старту Алімпійскіх гульняў у Токіа засталося менш за год. Увага да галоўных стартаў ужо пяцігодкі будзе каласальная.

Культура

Драматург Ксенія Шталянкова: Я думала — мяне разарве ад эмацыянальнай перанасычанасці

Драматург Ксенія Шталянкова: Я думала — мяне разарве ад эмацыянальнай перанасычанасці

П'еса, якой адкрыўся фестываль ТЭАРТ, прысвечана Мінскаму гета.

Грамадства

Час памятаць. Жыццёвы шлях Аляксандра Чарвякова — першага кіраўніка БССР

Час памятаць. Жыццёвы шлях Аляксандра Чарвякова — першага кіраўніка БССР

Сто гадоў таму ў верасні—кастрычніку 1920 года вакол беларускіх зямель разыгралася сапраўдная драма — у Рызе паміж Расіяй і Польшчай пачаліся перагаворы аб аддзяленні на карысць апошняй часткі тэрыторый Беларусі.