Вы тут

Займальнае падарожжа па старонках гісторыі Вялікай Айчыннай вайны і пасляваеннага часу


З 3 ліпеня Нацыянальны мастацкі музей Рэспублікі Беларусь і Беларускі дзяржаўны музей гісторыі Вялікай Айчыннай вайны рэалізоўваюць сумесны культурна-асветніцкі праект — квэст «Пра Вялікую Айчынную…», які аб’ядноўвае два вядучыя музеі краіны.


Унікальнасць квэсту ў тым, што яго сцэнарый пабудаваны на ўзаемасувязі ідэнтычных і падобных музейных прадметаў, якія прадстаўлены ў экспазіцыях абедзвюх устаноў.

Удзельнікі праекта выпраўляюцца ў займальнае падарожжа па старонках гісторыі Вялікай Айчыннай вайны і пасляваеннага перыяду, падчас якога наведваюць два музеі. Заданні гульні размешчаны на спецыяльнай інтэрнэт-платформе, распрацаванай кампаніяй ААТ «Сі Бі Мобайл». У якасці даведніка да экспанатаў прапанаваны «Франтавы дзённік» — гісторыя чалавека, які прайшоў нялёгкі шлях з першых дзён вайны да Перамогі. Гэтае выданне ручной работы — сумесная творчая распрацоўка навуковых супрацоўнікаў і мастакоў музея гісторыі Вялікай Айчыннай вайны. Такім чынам, можна паглядзець на трагічныя падзеі вачыма відавочцы, пазнаёміцца з легендарнымі асобамі, прайсці «Дарогай вайны», якая вяла да Вялікай Перамогі.

Пераможцы квэсту атрымаюць падарункі і памятныя прызы ад музеяў і партнёра праекта, які ладзіцца пры падтрымцы ААТ «Cі Бі Мобайл» і ААТ «Палітра» — сеткі магазінаў тавараў для творчасці «АРТ-тэрыторыя».

Для ўдзелу запрашаюцца каманды да 10 чалавек (узроставае абмежаванне — 14+). Папярэдняя рэгістрацыя абавязковая. Працягласць квэсту — каля трох гадзін.

Міра ІЎКОВІЧ

Фота прадастаўлена Беларускім дзяржаўным музеем гісторыі Вялікай Айчыннай вайны

Выбар рэдакцыі

Эканоміка

Маладых спецыялістаў у сельскай гаспадарцы вабяць не толькі жыллё і зарплата

Маладых спецыялістаў у сельскай гаспадарцы вабяць не толькі жыллё і зарплата

У сельгаскааператыве «Ніва-2003» Гродзенскага раёна цяпер працуе ажно 11 маладых спецыялістаў. 

Грамадства

Як працуюць маладыя спецыялісты ў Гарадоцкім раёне

Як працуюць маладыя спецыялісты ў Гарадоцкім раёне

Райцэнтр Гарадок знаходзіцца прыкладна за трыццаць кіламетраў ад Віцебска, недалёка — мяжа з Расіяй. Як там сёння з кадравым пытаннем?

У свеце

Барацьба з эпiдэмiяй у Пекiне: адлюстраванне ўзроўню мунiцыпальнага кiравання

Барацьба з эпiдэмiяй у Пекiне: адлюстраванне ўзроўню мунiцыпальнага кiравання

Да Кiтая ўвага ўсёй сусветнай супольнасцi прыкавана з розных прычын.

Грамадства

Кампазiтар Алег Елiсеенкаў: У нас з жонкай усё агульнае — i радасцi, i нягоды, i грошы

Кампазiтар Алег Елiсеенкаў: У нас з жонкай усё агульнае — i радасцi, i нягоды, i грошы

Са сваёй жонкай аўтар папулярных песень знаёмы амаль паўстагоддзя.