Вы тут

Запускаецца праект «Трэвэл па Радзіме»


Мы прызвычаіліся да адпачынку за мяжой, і часам замежныя гісторыя і культура нам вядомыя лепш за сваю. У той жа час многія жыхары Брэста не былі ў Магілёве, мінчане — у Віцебску. Але колькі цікавінак можна сустрэць у Беларусі! Праект «Трэвэл па Радзіме», які запускаюць актывісты Рэспубліканскага саюза турыстычнай індустрыі, скіраваны на тое, каб пераканаць у гэтым. Сярод яго арганізатараў — кампаніі, якія ў розныя гады станавіліся пераможцамі рэспубліканскага турыстычнага конкурсу «Пазнай Беларусь». Ужо падрыхтаваны серыі тураў выхаднога дня і эксклюзіўных тэматычных экскурсій у абласных цэнтрах краіны.


Але праект скіраваны не толькі на тое, каб паказаць турыстам новыя магчымасці для адпачынку ў суседніх рэгіёнах: нават мясцовыя жыхары могуць даведацца шмат новага пра свой населены пункт. Напрыклад, у Мінску будуць праводзіцца экскурсіі па парку камянёў. Кандыдат гістарычных навук, аўтар выданняў і артыкулаў, звязаных з міфалогіяй беларусаў, Зміцер Скварчэўскі пазнаёміць з аб'ектамі сакральнай геаграфіі, гісторыяй геалагічных аб'ектаў, раскажа пра культ камянёў, які існаваў на нашых землях, і іншыя вераванні беларусаў. Другі гісторык Дзяніс Філіпчык запрашае на экскурсію «Таямніцы і скарбы мінскіх кляштараў». Кандыдат гістарычных навук, член атэстацыйнай камісіі Нацыянальнага агенцтва па турызме. Выкладчык БДУ Дзмітрый Марозаў пазнаёміць з трагедыяй, якая адбывалася ў гады вайны: падчас экскурсіі «Шталаг-352 у Масюкоўшчыне» можна будзе прайсці па тэрыторыі былога лагера, убачыць пабудовы, якія захаваліся з часоў акупацыі, і, абапіраючыся на архіўныя дакументы і ўспаміны тых, каму ўдалося выжыць, даведацца, праз што давялося прайсці вязням, як яны супраціўляліся і здзяйснялі дзёрзкія ўцёкі.

Алена ДЗЯДЗЮЛЯ

Прэв’ю: rosting.by

Загаловак у газеце: Пазнай свой край!

Выбар рэдакцыі

Грамадства

Як вайскоўцы на захопленым нямецкім аўтамабілі прарываліся да партызанаў і выратавалі людзей ад расстрэлу

Як вайскоўцы на захопленым нямецкім аўтамабілі прарываліся да партызанаў і выратавалі людзей ад расстрэлу

Наш даўні сябар — жыхар Вялікай Бераставіцы — Міхаіл Маскальчук даслаў нам чарговы цікавы аповед, які быў запісаны са слоў бацькі Міхаіла, Васіля Маскальчука.

Грамадства

Камфортнае жыллё і спрыяльнае асяроддзе. Аднайменная дзяржпраграма дазволіць павысіць якасць камунальных паслуг і наблізіць да Мэты-99

Камфортнае жыллё і спрыяльнае асяроддзе. Аднайменная дзяржпраграма дазволіць павысіць якасць камунальных паслуг і наблізіць да Мэты-99

Днямі аб праекце профільнай дзяржпраграмы журналістам падчас прэс-прэзентацыі расказаў міністр жыллёва-камунальнай гаспадаркі Андрэй Хмель.

Эканоміка

Якія асноўныя паказчыкі і параметры закладвае Магілёўшчына ў сваю рэгіянальную праграму развіцця?

Якія асноўныя паказчыкі і параметры закладвае Магілёўшчына ў сваю рэгіянальную праграму развіцця?

Пра гэта ў нашай гутарцы з намеснікам старшыні Магілёўскага аблвыканкама Русланам Страхаром.

Эканоміка

Разбіраем інвестпраграму Мінска на бягучы год

Разбіраем інвестпраграму Мінска на бягучы год

Яна ў гэтым годзе на 20 % «таннейшая», чым у папярэднім.