Вы тут

Анатоль Ісачанка: Жыццё даказала запатрабаванасць паслуг спажыўкааперацыі


У гэтым змог пераканацца віцэ-спікер Савета Рэспублікі падчас наведвання Мядзельскага раёна Міншчыны. І вяскоўцы, і работнікі аўтакрам, і нарыхтоўшчыкі прыёмных пунктаў упэўнены — такія паслугі на вёсцы патрэбны.


— Самае галоўнае — меркаванне людзей, наколькі гэтая паслуга запатрабаваная і неабходная людзям, — агучвае парламентарый у размове з журналістамі самы галоўны крытэрый эфектыўнасці работы спажывецкай кааперацыі. Безумоўна, эканамічны эфект ад дзейнасці фарміруе прыбытак, але ці ж толькі ў ім уся справа?

Сенатар прывёў некалькі лічбаў. Сёння сістэма спажывецкай каапарацыі абслугоўвае 23 тысячы беларускіх вёсак, з якіх 15 тысяч карыстаюцца паслугамі аўтакрам. Такая форма абслугоўвання запатрабаваная, і жыхары Мядзельшчыны гэта пацвердзілі: яны прызвычаіліся, задаволеныя асартыментам прадукцыі і графікам работы. Але ёсць і яшчэ адна лічба: 4,5 тысячы вёсак, дзе насельніцтва складае да 10 чалавек, таксама абслугоўваюцца спажывецкай кааперацыяй, і ў гэтыя, як сёння кажуць, паміраючыя вёскі таксама выязджаюць аўтакрамы.

У такім выпадку можна весці гаворку, хутчэй, не аб прыбытку, а аб выкананні нейкай сацыяльнай паслугі, якая патрэбна людзям, перакананы сенатар.

— Гэта робіцца па даручэнні кіраўніка дзяржавы, бо галоўная палітыка нашай краіны — клопат пра людзей, — падкрэсліў ён. Гэта відаць і па лічбах: там, дзе ёсць эканоміка, шмат людзей карыстаюцца паслугамі спажывецкай кааперацыі, але там, дзе жывуць 10 чалавек, пра эканоміку і прыбыткі казаць складана.

— Але там жывуць нашы людзі — туды трэба пад'ехаць і абслужыць, — звяртае ўвагу Анатоль Ісачанка. У размове з тымі, хто працуе на аўтакрамах, з вяскоўцамі, якія карыстаюцца іх паслугамі, сенатар пераканаўся, што паслуга аказваецца ў любым выпадку. — Прыязджаюць, заходзяць у хату, пытаюцца, што трэба, і падвозяць. Я мяркую, гэта зроблена абсалютна правільна, і самае галоўнае, што гэта запатрабавана.

Акрамя таго, падчас візіту віцэ-спікера зацікавіла работа стацыянарных крам сістэмы спажывецкай кааперацыі. Яны таксама трансфармаваліся, перайшлі на іншы фармат работы. У размове з вяскоўцамі гучалі толькі станоўчыя ацэнкі. Іншая справа — цэнаўтварэнне.

— Зноў жа спрадвечнае пытанне, і яно абсалютна правільнае: цэны павінны быць ніжэйшыя, — упэўнены Анатоль Ісачанка. Ён лічыць, што да гэтага трэба імкнуцца.

Не абмінуў сенатар падчас наведвання Мядзельшчыны і тэму сезонных нарыхтовак, якія таксама ажыццяўляе сістэма спажывецкай кааперацыі.

— У людзей ёсць лішкі рознай прадукцыі — яблыкаў, ягад — канешне, мы павінны гэта прыняць і разлічыцца з імі. Мала таго, што прыём лішкаў запатрабаваны, гэта яшчэ і дадатковы заробак для тых, хто карыстаецца гэтым відам паслуг, — звяртае ўвагу Анатоль Ісачанка.

Падводзячы вынікі свайго візіту, ён упэўніўся, што сістэма спажывецкай кааперацыі ў прынцыпе сваю ролю выконвае. Анатоль Ісачанка прыгадаў, што калісьці размоў на гэты конт было шмат: патрэбна яна ці не — маўляў, ёсць сеткавыя крамы, гіпер- і супермаркеты, навошта гэтая сістэма? Але, тым не менш, жыццё паказала, што спажывецкая кааперацыя неабходная людзям і запатрабаваная. А тое, што ёсць канкурэнцыя, — добра: яна заўсёды спрацоўвае на зніжэнне цэн, павышэнне якасці паслуг.

— Таму ўсе формы гандлю, якія існуюць, — прымальныя. Галоўнае — каб было зручна людзям, — падсумаваў парламентарый.

Вольга АНУФРЫЕВА

Выбар рэдакцыі

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.

Грамадства

Не трапіць у рабства анлайн. Як у краіне змагаюцца з гандлем людзьмі

Не трапіць у рабства анлайн. Як у краіне змагаюцца з гандлем людзьмі

З 2000 года ў Беларусі выяўлена 4421 злачынства, звязанае з гандлем людзьмі.