Вы тут

У краiне запусцiлi адзiную мабiльную праграму для электрамабiлiстаў


У краiне запусцiлi адзiную мабiльную праграму для электрамабiлiстаў — Malanka. Прыемная навiна: заправiць сваё аўто на электрычнай цязе ўсё яшчэ можна бясплатна. Аб гэтым расказаў намеснiк дырэктара «Беларуснафты» Андрэй КОЦIК.


— Зарадка электрамабiляў у нас была бясплатная з 2014 года, пакуль мы працавалi ў тэставым рэжыме. Бясплатны перыяд тэсцiравання дадатка будзе захоўвацца яшчэ прыкладна месяц, але ў далейшым кошт 1 кВт на станцыях пастаяннага току (хуткiя ЭЗС) складзе 39 капеек, на станцыях пераменнага току (павольных) — 29 капеек. Такi ўзровень тарыфаў найбольш прымальны для нашага рынку, цэны — самыя нiзкiя ў Еўропе. Гэта павiнна стымуляваць аўтамабiлiстаў да павелiчэння «зялёных» аўто ў краiне. Разам з тым мы разглядаем магчымасць адпускаць электраэнергiю для зараду па сесii — да неабходнага ўзроўню зарадкi. На павольных ЭЗС кошт адной сесii складзе 5,46 рубля, на хуткiх — 7,34 рубля, незалежна ад колькасцi адпушчаных кВт у гадзiну.

Андрэй Коцiк адзначыў, што разглядаецца варыянт, каб у будучынi аплачваць зарадку электрамабiля можна было толькi з дапамогай мабiльнай праграмы. «Бо гэта зручны i сучасны спосаб. Кiроўцу не трэба стаяць у чарзе да аператара, каб аплацiць зарадку, даставаць банкаўскую картку, можна будзе проста скарыстацца смартфонам. Да мабiльнай праграмы прывязваецца банкаўская картка ўладальнiка, i ў далейшым аплата ажыццяўляецца ў некалькi клiкаў. Для нас важна атрымаць зваротную сувязь: магчымасць задаць пытанне, даслаць прапанову ёсць у самой праграме, паглядзець на статыстыку i вызначыць, што лепш для карыстальнiкаў: напрыклад, аплачваць электраэнергiю па кiлаватах або плацiць за адну сесiю. Для нас перш за ўсё важны клiент, на яго меркаванне мы i будзем арыентавацца».

Распрацоўкай праграмнага забеспячэння мабiльнай праграмы займалася славенская кампанiя Etrel. Iнжынер «Беларуснафты» Максiм СУСАРЭНКА расказаў, што праграма дазваляе ўбачыць размяшчэнне ўсiх зарадных станцый краiны, сарыентавацца, цi свабодная патрэбная станцыя ў гэты момант, таксама ў працэсе зарадкi ўладальнiк электракара можа адсачыць усе патрэбныя параметры: колькi часу засталося да поўнай зарадкi, якую адлегласць праедзе электрамабiль на астаткавым зарадзе i iншае. «Карыстацца праграмай вельмi проста: скачваем з Apple Store або Play Market, рэгiструемся, уводзiм характарыстыкi аўтамабiля i зараджаем яго. Грошы спiсваюцца па факце завяршэння зарадкi. Дарэчы, у праграмы ёсць розныя раздзелы. Напрыклад, ва ўкладцы «Мой аўтамабiль» прадстаўлены 37 марак аўто: ад BMW i Nissan да Brammo, Tata, Mia i iншых. Для кожнага электракара паказана, якая ёмiстасць батарэi, запас ходу, тып раз'ёму i iншыя параметры».

Дар'я ШЛАПАКОВА

Выбар рэдакцыі

Эканоміка

Маладых спецыялістаў у сельскай гаспадарцы вабяць не толькі жыллё і зарплата

Маладых спецыялістаў у сельскай гаспадарцы вабяць не толькі жыллё і зарплата

У сельгаскааператыве «Ніва-2003» Гродзенскага раёна цяпер працуе ажно 11 маладых спецыялістаў. 

Грамадства

Як працуюць маладыя спецыялісты ў Гарадоцкім раёне

Як працуюць маладыя спецыялісты ў Гарадоцкім раёне

Райцэнтр Гарадок знаходзіцца прыкладна за трыццаць кіламетраў ад Віцебска, недалёка — мяжа з Расіяй. Як там сёння з кадравым пытаннем?

У свеце

Барацьба з эпiдэмiяй у Пекiне: адлюстраванне ўзроўню мунiцыпальнага кiравання

Барацьба з эпiдэмiяй у Пекiне: адлюстраванне ўзроўню мунiцыпальнага кiравання

Да Кiтая ўвага ўсёй сусветнай супольнасцi прыкавана з розных прычын.

Грамадства

Кампазiтар Алег Елiсеенкаў: У нас з жонкай усё агульнае — i радасцi, i нягоды, i грошы

Кампазiтар Алег Елiсеенкаў: У нас з жонкай усё агульнае — i радасцi, i нягоды, i грошы

Са сваёй жонкай аўтар папулярных песень знаёмы амаль паўстагоддзя.