Вы тут

Лукашэнка даручыў аказаць падтрымку выбаркамам і паклапаціцца аб забеспячэнні бяспекі іх працы


Прэзідэнт Беларусі Аляксандр Лукашэнка даручыў аказаць падтрымку выбаркамам і паклапаціцца аб забеспячэнні бяспекі іх працы. Пра гэта ён заявіў сёння на рабочай сустрэчы з Наталляй Качанавай і Віктарам Шэйманам, паведамілі ў прэс-службе кіраўніка дзяржавы.


Фота: БелТА

«Наталля Іванаўна, я вас папрашу, як начальніка штаба ўжо нашай перадвыбарнай кампаніі, абавязкова перагаварыць з губернатарамі. Удакладніце, якая, акрамя матэрыяльных сродкаў, патрэбна падтрымка. Асаблівую ўвагу папрашу звярнуць вас, ды і Віктар Уладзіміравіч (Шэйман. — Заўвага. БелТА) у гэтым плане можа дапамагчы, — забеспячэнню бяспекі на выбарчых участках. Таму што мне ўсё часцей і часцей паступае інфармацыя пра тое, што не ўсюды ў нас спакойна хочуць правесці прэзідэнцкія выбары. А забяспечыць бяспеку на кожным участку — наш святы абавязак, — падкрэсліў беларускі лідар. — Вы бачыце, што робіцца вакол. Няхай пакрычаць, пашумяць. Празмернасцяў быць не павінна. Не павінна быць так, што яны пачнуць нас крытыкаваць за тое, што мы выкарыстоўваем момант, каб дзесьці кагосьці абмежаваць. Ёсць закон, згодна з законам павінна ісці перадвыбарная агітацыя і праца ўся».

Звяртаючыся да кіраўніка справамі Прэзідэнта Віктара Шэймана, кіраўнік дзяржавы адзначыў, што трэба аказаць усялякую падтрымку выбаркамам. «Я пра гэта казаў яшчэ ў пачатку выбарчай кампаніі, не толькі Цэнтральнай выбарчай камісіі (матэрыяльную, яшчэ якую-небудзь), але і ўдакладніць на месцах. Магчыма, людзі маюць патрэбу ў якой-небудзь дапамозе. Трэба звязацца з губернатарамі», — заявіў кіраўнік дзяржавы.

«Віктар Уладзіміравіч — матэрыяльная частка, Наталля Іванаўна — арганізацыйная частка. Удакладніце ў Лідзіі Міхайлаўны Ярмошынай (старшыня Цэнтрвыбаркама. — Заўвага. БелТА), якая патрэбна падтрымка ёй і на месцах. Калі трэба, каб я падпісаўся, тэрмінова мяне паінфармуйце», — рэзюмаваў Аляксандр Лукашэнка.

Выбар рэдакцыі

Эканоміка

Маладых спецыялістаў у сельскай гаспадарцы вабяць не толькі жыллё і зарплата

Маладых спецыялістаў у сельскай гаспадарцы вабяць не толькі жыллё і зарплата

У сельгаскааператыве «Ніва-2003» Гродзенскага раёна цяпер працуе ажно 11 маладых спецыялістаў. 

Грамадства

Як працуюць маладыя спецыялісты ў Гарадоцкім раёне

Як працуюць маладыя спецыялісты ў Гарадоцкім раёне

Райцэнтр Гарадок знаходзіцца прыкладна за трыццаць кіламетраў ад Віцебска, недалёка — мяжа з Расіяй. Як там сёння з кадравым пытаннем?

У свеце

Барацьба з эпiдэмiяй у Пекiне: адлюстраванне ўзроўню мунiцыпальнага кiравання

Барацьба з эпiдэмiяй у Пекiне: адлюстраванне ўзроўню мунiцыпальнага кiравання

Да Кiтая ўвага ўсёй сусветнай супольнасцi прыкавана з розных прычын.

Грамадства

Кампазiтар Алег Елiсеенкаў: У нас з жонкай усё агульнае — i радасцi, i нягоды, i грошы

Кампазiтар Алег Елiсеенкаў: У нас з жонкай усё агульнае — i радасцi, i нягоды, i грошы

Са сваёй жонкай аўтар папулярных песень знаёмы амаль паўстагоддзя.