Вы тут

Прагноз надвор'я на тыдзень


Мінулыя выхадныя былі даволі прахалодныя. Паветра, якое паступала да нас са Скандынавіі, прагравалася недастаткова — сярэдняя тэмпература за першыя два дні жніўня выдалася на 1—5 градусаў ніжэйшая за кліматычную норму. Але сітуацыя пачынае выпраўляцца. Вятры з Цэнтральнай Еўропы вернуць нам летняе надвор'е, а па поўдні краіны будзе нават спякотна. Падрабязней пра тое, чаго нам чакаць ад першага тыдня жніўня, расказалі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


Сёння па краіне чакаецца надвор'е пераважна без ападкаў, толькі ўдзень па заходніх раёнах пройдуць непрацяглыя навальнічныя дажджы. Вецер будзе паўднёвы, днём парывісты. Паветра прагрэецца добра — ад 24 да 29 градусаў, месцамі па Брэсцкай вобласці аж да 32 вышэй за нуль.

У сераду надвор'е крыху сапсуецца. Атмасферны фронт будзе пакрысе перасоўвацца з Польшчы на ўсход. Таму ўначы па захадзе краіны, а ўдзень і ў цэнтры чакаюцца кароткачасовыя дажджы. Уначы тэрмометры пакажуць ад 13 да 18 градусаў цяпла, а вось удзень крыху пахаладнее — плюс 21—27. Праўда, па Гомельшчыне сіноптыкі чакаюць да 31 градуса. Вецер будзе няўстойлівы слабы, але паступова ўзмоцніцца да ўмеранага.

У чацвер зона дажджоў пакіне Беларусь. Невялікія ападкі магчымы толькі месцамі. Чакаецца пераменная воблачнасць. Ноччу і раніцай каля вадаёмаў могуць узнікаць непрацяглыя туманы. Тэмпературны фон да ўсходу сонца застанецца такі ж, як і ў сераду, а вось удзень стане на пару градусаў цяплей. На поўдні — усё тыя ж плюс 31. Такі характар надвор'я захаваецца і ў пятніцу. Па папярэдніх прагнозах, на большай частцы тэрыторыі краіны цёпла будзе і ў выхадныя. Адным словам, лета!

Валяр'ян ШКЛЕННІК

Прэв’ю: ria.ru

Загаловак у газеце: Тыдзень цяпла

Выбар рэдакцыі

Грамадства

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

У адрозненне ад «хімічных антыбіётыкаў», прыродныя лекі не толькі дапамагаюць перамагчы інфекцыю, але і ўмацоўваюць ахоўныя ўласцівасці арганізма.

Калейдаскоп

Усходні гараскоп на наступны тыдзень

Усходні гараскоп на наступны тыдзень

СКАРПІЁН. На гэтым тыдні традыцыйны падыход да вырашэння праблем не заўсёды будзе ўдалы.

Культура

Народная артыстка Беларусі Ніна Шарубіна: Не скупіцеся на добрыя словы!

Народная артыстка Беларусі Ніна Шарубіна: Не скупіцеся на добрыя словы!

Мы правялі ў кампаніі опернай дзівы ўсяго толькі адзін дзень, але так і не змаглі разгадаць яе таямніцу: дзе ж хаваецца ў яе сутках 25-я гадзіна?

Грамадства

Інтэрвальнае галаданне: чаканні і рэальнасць

Інтэрвальнае галаданне: чаканні і рэальнасць

Сваім вопытам з чытачамі «Звязды» дзеліцца вядомая беларуская тэлевядучая Марыя Лемешава