22 верасня, аўторак

Вы тут

Нацыянальная бібліятэка падрыхтавала выставу да 70-годдзя літаратуразнаўца Анатоля Вераб'я


Выстава «Шмат-шмат зрабіць», прымеркаваная да 70-годдзя крытыка, літаратуразнаўца, кандыдата філалагічных навук, педагога, рэдактара, члена Саюза пісьменнікаў Беларусі Анатоля Вераб’я адкрылася сёння ў Нацыянальнай бібліятэцы Беларусі. Пра гэта БЕЛТА паведамілі ў НББ.


Раздзел выстаўкі «Жывая повязь часоў» прадстаўляе навуковыя працы крытыка, сярод якіх «Беларуска-рускі паэтычны ўзаемапераклад 20-30-х гадоў», «Максім Танк і польская літаратура», «Уладзімір Караткевіч: жыцце І творчасць». Прэзентаваныя артыкулы даследчыка па розных праблемах сучаснага літаратуразнаўства, біяграфічныя нарысы, рэцэнзіі, прадмовы і пасляслоўя, каментары да мастацкіх твораў, а таксама кнігі, дзе Анатоль Верабей выступае галоўным рэдактарам або членам рэдакцыйнай калегіі.

У раздзеле экспазіцыі «Гармонія хараства І праўды» можна даведацца пра жыццёвы і творчы шлях юбіляра.

Анатоль Верабей вывучае беларускую і польскую літаратуры ХХ-ХХІ стагоддзяў, тэксталогіі, займаецца пытаннямі мастацкага перакладу і літаратурных сувязяў. Ён адзін з найбольш аўтарытэтных даследчыкаў работ Уладзіміра Караткевіча, галоўны ініцыятар і кіраўнік 25-томнага выдання творчай спадчыны пісьменніка. Акрамя таго, ён збірае, выдае і папулярызуе спадчыну такіх вядомых беларускіх пісьменнікаў, як Максім Танк, Уладзімір Хадыка, Піліп Пестрак і Алег Лойка.

Выстава будзе доўжыцца да 1 кастрычніка.

Выбар рэдакцыі

Культура

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

Пра калег — настаўнiкаў, старэйшых таварышаў, паплечнiкаў распавядае доктар педагагiчных навук, прафесар матэматыкi, заслужаны дзеяч навукi Рэспублiкi Беларусь.

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.