Вы тут

Больш за 100 графічных работ Арлена Кашкурэвіча прадстаўлены на выставе ў НММ


Нацыянальны мастацкі музей у супрацоўніцтве з Беларускім дзяржаўным архівам-музеем літаратуры і мастацтва прадставіў мемарыяльную выставу «Арлен Кашкурэвіч (1929-2013). Да 90-годдзя з дня нараджэння», піша БЕЛТА са спасылкай на НММ.


«На рэтраспектыўнай выставе — больш за 100 работ, выкананых у графічных тэхніках афорта, літаграфіі, лінагравюры, акварэлі, малюнка тушшу, мяккімі матэрыяламі. Гледачы могуць убачыць творчасць Арлена Кашкурэвіча ў шырокім храналагічным дыяпазоне — пачынаючы ад самых ранніх работ 1959 года да малюнкаў 2010-х гадоў. Аснову мемарыяльнай выставы складаюць манументальныя серыі гравюр і ілюстрацыі кніг, якія ўдзельнічалі ў рэспубліканскіх і міжнародных выставах і конкурсах і адзначаны высокімі ганаровымі ўзнагародамі», — расказалі ў музеі.

Упершыню адкрыты для гледача малюнкі, жывапіс і шэраг рэдкіх матэрыялаў з фондаў Беларускага дзяржаўнага архіва-музея літаратуры і мастацтва і сям’і мастака. Выстава дапоўнена жывапіснымі і скульптурнымі творамі, прысвечанымі Арлену Кашкурэвічу. Асноватворнай канцэпцыяй, што аб’ядноўвае ў прасторы выставы творчасць розных гадоў, стала тэма чалавека і горада. Яна раскрываецца ў спавядальнай шчырасці і любові аўтара да людзей.

Народны мастак Беларусі, лаўрэат Дзяржаўнай прэміі БССР, прафесар, заслужаны дзеяч мастацтваў Беларусі Арлен Кашкурэвіч належыць да вельмі яркіх майстроў другой палавіны ХХ — пачатку XXI стагоддзя, творы якога атрымалі шырокае прызнанне ў нашай краіне і за мяжой. Адзін з заснавальнікаў школы сучаснай беларускай графікі і найвялікшы майстар кніжнай ілюстрацыі за час сваёй работы аформіў больш за 200 кніг айчынных і замежных аўтараў, прайшоў доўгі прафесійны шлях.

Сваю працоўную дзейнасць мастак пачаў у 1957 годзе, актыўна ўдзельнічаў у рэспубліканскіх, усесаюзных і замежных выставах. Стыль і пластычная мова яго графікі склаліся ў 1960-я гады і заўсёды выклікалі павагу і цікавасць сваёй актуальнасцю і майстэрствам. У творчасці мастак звяртаўся да складаных філасофскіх аспектаў быцця, яго творам характэрна праўдзівае гучанне, без штампаў, бравурных інтанацый. Графіка і ілюстрацыі Арлена Кашкурэвіча вылучаліся смеласцю ў імкненні аўтара спасцігнуць у мастацкім вобразе грані складанага сучаснага свету.

Наведаць выставу можна па 30 жніўня.

Прэв’ю: БЕЛТА

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.